حكى لنا الزول الساي الما بقعد ساي وما بسكت ساي نكتة قوية جداً عن الغلاء في السودان فقال:
كان في معارض سوداني معصلجة معاهو وضارباهو فلسة تاريخية ، قام اتسلف حبة قريشات من جارو بعد محاججات وملاويات شديدة … صاحبك مشى السوق اشترى سمكة واحدة وجا راجع البيت فرحان!
قال لى مرتو : يا وليه ، حمري لينا السمكة دي
قالت ليهو: دقيق مافي ، زيت مافي!
قال ليها: طيب ياخي اشويها
قالت ليهو : غاز مافي ، فحم مافي!
قال ليها: طيب ياخي اسلقيها
قالت ليهو: موية مافي ، الموية قاطعة ليها اسبوع!
قال ليها بزهج شديد: طيب ياخي خزنيها في الفريزر
قالت ليهو: كهربا مافي ، والتلاجة ذاتا انا سويتا دولاب عدة!
صاحبك قفلت معاهو قفلة شديدة، شال السمكة ومشى جدعا جوه البحر ، السمكة ضحكت وهتفت: سير سير يا بشير!
فيصل الدابي/المحامي
menfaszo1@gmail.com
