الاميرة الزرقاء في التمهيدي
بسم الله الرحمن الرحيم
في السلك
*ولعل اهلنا في التمهيدي مشغولين بالتجهيز
*ناس كي ام كي ام
*بتاعين زنزبار
*كورة الرد عندهم طبعا يوم المسرح العالمي
*حانشوف كوميديا شديد
*الجماعه ديل في خمسطاشر تلاته ببيعوا القرنفل
*خمسه وعشرين تلاته بقبضوا الدولار
*دولار بتاع قرنفل سنه كامله
*والحكم بصلهم يوم خمسه وعشرين زاتو
*وعندهم آكسنت قديمه
*ومابخافوا الله
*والحكم شعرو كتير بحتاج حلاقه
*وعندهم حلاق في سوق زنزبار اسمو سوق ناميلا تانوني
*يعني سوق نمرة اتنين
*غايتو حاتكون حكاية
*المهم
*واحد سأل
*ليه الهلال في التمهيدي السنه دي ؟؟؟
*الاجابه كانت حاضره عند استاذنا الرائع اسماعيل حسن
*قال ابو السباع
*السؤال الصاح مفروض يكون كده
*الهلال السنين الفاتت ليه ما ودوهوا التمهيدي
*التمهيدي يا ناس لعبوا فيهو فرق مسجله في لوح الشرف الافريقي
*يبقي اصلح لي فرق ماحصل ليها الشرف
*المهم
*بعد الحلم بتاع الاميرة السمراء في الجوهرة الزرقاء
* الرصة اتغيرت وبقت
*الاميرة الزرقاء في التمهيدي
*وناس التمهيدي ديل لما يلموا فيك في الضلمه
*زي لمة النيقروز في زول غرب الحارات في ميدان الساعه اتنين صباحا
*الموبايل والقروش والقمبص لو قيافه
*بملصوك بملصوك
*ده غير الفرار والبونيه
*تمهيدي بالليل ده !!!!
*شدوا حيلكم شديد
*المهم
*معسكر المريخ في مصر في حته حسني مبارك ما دخلها
*روعة الروعه
*قطعه من اوروبا وجات مصر
*وناس روشا في الفجيرة
*الفجيره دي في الامارات زي محلية ضفر الكلب هنا عندنا
*عملوها امارة ساي مجامله للفجيراب
*وعشان ما يضايقوا الناس في دبي والعين وابو ظبي
*حقو الاميرة الزرقاء تنطق لينا
*وتورينا معسكرهم وين ؟؟؟؟
*المهم
*مفروض امس تكون تجربتنا الاولي
*سمعنا انو فريق التلفونات اعتذر
*اعتذر بعد ناسنا وصلوا الملعب
*طبعا ده خطأ اداري من الدرجه الاولي
*لان المريخ كنادي كبير يجب ان يتفق علي مثل هذه اللقاءات رسميا وباسمه مباشرة
*فلا يترك الامر لوسيط
*او يترك لشركة منظمه للمعسكر
*لذا
*نتمني ان يستفيد الوفد الاداري والجيش الجرار المتجدع في القاهره من هذا الخطأ
*ايها الناس
*يدور هذه الايام بمجالس المدينه الكلام حول تنحي الوالي
*وجاء الاخ مزمل وانتقد القرار وبشده
*ثم اوضح الوالي وجهة نظره من خلال عمود مزمل ايضا
*المهم
*الناس سته انواع امام هذا الخبر
*نوع بتمني استقالة الوالي عشان ما يشوف في المريخ لحظه سعيده
*وديل اطناشر سنه بحفروا للوالي
*يوم البرلمان
*ويوم قروشو
*ويوم توجيهه لاموال الدوله لصالح المريخ
*افتروا علي الراجل افتراء شديد
*النوع التاني يتمني ان لا يذهب الوالي مدي الحياه
*النوع التالت يتمنون ان يذهب المجلس المع الوالي ويجوا هم بدل ذلك المجلس
*النوع الرابع متيقن
*مافيش استقاله مافيش استقاله
*النوع الخامس يحترم ما قدمه الرجل ويري ان جمال من حقه ان يرتاح
*اما النوع السادس فيري ان جمال يستحق كاس افريقي
*واذا قدر اللاعبون المسؤليه وصعدوا للمجموعات
*فعلي جمال ان يؤخر استقالته
*ويدعم التيم في التكميليه بمحترفين يراهنوا علي البطوله
*يشيل البطوله
*وبعدها يترك العمل اللاداري
*حيث تكون البطوله هي تكريما افريقيا للرجل وهو يستحقه
*مدام كردنه بحلم بالاميرة السمراء
*جمال من حقو يعقد عليها عديييييييييييييييييييييل(المرا ما تسمعني )
*فما قدمه جمال يستحق ان تقدم له الكأس الافريقيه كوشاح يتوشح به مدي الحياه
*ايهاالناس
*ان تنصروا الله ينصركم
*اها
*نجي لي شمارات والي الخرطوم
*الموت سبيل الاولين والآخرين يا والينا
*ماقلنا شئ
*لكن فارقنا اول امس اخ وحبيب وصديق قامه وقيمه
*رحل عنا اخونا متوكل التوم الطاهر
*اخو مولانا سيف التوم الطاهر وعثمان التوم الطاهر
*واخونا كلنا
*ما اعترضنا علي الموت يا والينا
*لكن اعتراضنا علي اجراءات عقيمه مابتحترم حتي البموت فينا
*مات متوكل بكافتيريا في تقاطع الحريه مع السيد عبدالرحمن
*كملت المعدوده
*وكان الموت طبيعي
*استلقي متوكل باسطا جسده الطاهر
*تمدد والزمن تبدد للاجراءات الغريبه
*اهل الفقيد وصلوا
*طالبوا بالجثمان
*رفضوا ليهم لتكملة الاجراءات
*والجثمان حتي الظهيره لم يبارح مكانه
*والاجراءات بتكملها النيابه
*والنيابه ماجات
*مشوا ليها
*والنيابه الماجات عشان تعمل الاجراءات
*قرب يقوم يمشي ليها فقيدنا المات
*العبره كاتلانا يا والينا
*وحانعود بالتفصيل اصبر لينا
سلك كهربا
ننساك كيف والبموت تكتلوا البيروقراطيه تاني
والي لقاء
سلك
b_silik@hotmail.com
/////
