الشروووووووق … بقلم: باابكر سلك

 

بسم الله الرحمن الرحيم

 

في السلك

 

 

 

•       اها

•       وقفنا وين !

•       قال ليك واحد مستني ولي العهد علي احر من الجمر

•       جهز عراريق ولي العهد

•       واشتري مركوب صغييييييييييييييير

•       السروال قدر المنديل

•       والتكه حلالالالالاته

•       لونين

•       وطاقيه حمراء شديد

•       وصديري

•       ماشافوا بالموجات الصوتيه

•       لكن مقتنع ميه ميه ولد مافي شك

•       احساسو قال ليهو ولد

•       اشتري العجله

•       ورمي حقة الصعوط عشان ولي العهد ما يشوفها ويتعلم يسف

•       الولد لازم يطلع مهذب للنهايه

•       وبالذات ولي العهد حايسميهو جمال

•       اها ساعة الصفر جات

•       ومشوا الدايات

•       متكلين المرا

•       في زحمة الدايات ديك نسوان كتااااار واقفات بره

•       الغفير قاطعوا معاهن

•       مافي زياره يعني مافي زياره

•       صاحبنا طبعا فتحوا ليهو الباب ودخل بي امجادو اكراما للفارس القادم

•       قال في سرو  بعد شويه جمال بجي

•       وحا ابقي ابو جمال

•       ابو جمال زينه

•       عجبتوا حكاية ابو جمال دي

•       وفتح خط

•       واحده من النسوان القبيل حموهن يدخلن لمحت جارتها

•       كوركت ليها

•       يا ام جمال 000 يا ام جمال

•       صاحبنا اتلفت علي زوجتو وقال ليها

•       في زول بكورك ليك

•       المهم

•       تمت الولاده بسلام

•       ولما صاحبنا سمع صراخ الطفل جري جاب اربعين كيس حلاوه

•       وقعد يوزع

•       ما خلي زول

•       حتي الغفير اللديح داك اداهو حلاوه

•       ولما وصل العنبر اول زول قابلو الدايه

•       ابتسمت ليهو

•       ابتسم ليها

•       قالت ليهو انت زوج فتحيه

•       اتنفخ شدييييييييييييييييد وقال

•       اييييييييوه , انا زوج فتحيه

•       قالت ليهو مبروك , بتك حلوه

•       الدنيا ضلمت

•       وصاحبنا لحق فيييرا

•       راسو لفه

•       وقال في سرو , يعني طار مني الاسم ؟

•       فكر شويه وقال , القسمه ما اذكي مني , ولا النصيب اشفت مني

•       اتلفت علي الدايه وقال ليها

•       سميناها الشرووووووووووووووق

•       اها

•       وارقو دور

•       ابو ماسوره اتحير

•       يسك منو ويخلي منو

•       بالمناسبه

•       في خور وسط النجيله امس ما قلناهو

•       في كورة نيل الحصاحيصا هليفه ثبت الكوره برجلو ضربت في يدو

•       والله دي ميسي ما يعملها

•       المهم

•       لاحظت فروق كتيره بيننا وبين اخوانا الاهله

•       زي الفروق بيناتنا في الانجازات الدوليه الجويه الرسميه

•       وزي الفرق بين ارض الحضارات بتاعتنا والزريبه

•       فروقق كتيره جدا

•       لكن في حاحه لاحظتها

•       كل الاهله يتمنون ذهاب رئيس المريخ عن المريخ

•       في حين ان كل المريخاب يتمنون بقاء رئيس الهلال علي رئاسة الهلال الي الابد

•       دي حسادة شنو ياناس !

•       انتوا سادومبا طردوهوا من الشقه ولا شنو ؟

•       طواااالي ساكن في الاوف

•       امادو شات علي الطائر

•       وداها محل ما برك فيهو طائر

•       واحد زهجان

•       قال لي ده سجلوهو بقروش ؟

•       قلت ليهو بكون لسه ما ادوهو

•       لكن متفقين معاهو بالدولار

•       قال لي والله زي ده انا بالدفار ما اسجلو

•       زي الجماعه كان شين

•       شكلو قديييييييم

•       زي السكند هاند كده

•       استعمال بره ياربي ؟

•       غايتو لو ما اخاف الكضب زي الشايفو عند الهلال السعودي في التمنينات

•       قلت لي شركه عالميه تصنع ازياء المريخ يا والي !

•       يا كربنه

•       امتعتنا

•       ياربي تعين صلاح ادريس علي البقاء رئيسا للهلال سبعين سنه

•       نحن ما زيكم

•       عشان انتوا بتتمنوا رئيسنا يفوت

•       قااااااااااااااااااااااااااااااااااعد

 

سلك كهربا

                         لن ننسااااااااااااااااااااااااااااك

 

سلك

والي لقاء

babikir maki [b_silik@hotmail.com]