اييييوه وكوم ليمون

بسم الله الرحمن الرحيم
في السلك
b_silik@hotmail.com
*الذ ناس الاهله ديل
*بحبهم حب ما طبيعي
*لانهم سبب الضحكه التي تولد في دواخلنا
*لانهم اس البسمه التي ترتسم علي شفاهنا
*لانهم مصدر سعادتنا
*كوميديا ياخ
*عليكم الله تابعوا معاي
*العندو ازمة ما يقرأ
*عشان ما يشرق ونفسو يتضايق
*محمد عبدالماجد
*يرجف من شندي التقول في سيبيريا
*قال كييييييييييف الاتحاد يلعب الهلال ضد اهلي شندي وسيمبو مامشي الاعداد ؟؟؟
*وقال كيييييييييف الاتحاد يلعب الهلال ضد اهلي شندي واهلي شندي اعدادو مثالي
*وقال كييييييييييييييف الاتحاد يلعب الهلال ضد اهلي شندي ومدرب الهلال جديد 
*وقال كيييييييييييييف الاتحاد يودي الهلال شندي وهيثم هناك
*وبعد ده كلو قال جاهزين لمباراة الاستقلال
*استقلال بالسا ؟؟؟
*وقال عمل بحث في قوقل عن الاستقلال جاهو بله جابر ينطط
*يا ابو حميد ماجاك مستر كلارك الخواجه الكان رئيسكم برضو ناطي علي ذكري الاستقلال والحركه الوطنيه ؟؟؟
*محمد خليهو
*فطومه
*فطومه اختي قالت ان اخطأ خطاط لافتة الهلال لدعم الرئيس فهذا لن ينقص من قدر الهلال
*فطومه
*قولي الخطاط اخطأ
*المشي جابها برضو اخطأ ؟؟
*ما مشكله
*الشايلنها برضو الخطأ راكبهم ؟؟؟
*يعني خطاط الهلال والمشي جاب لافتة الهلال والشال لافتة الهلال 
*كلهم خطأ في خطأ ؟؟
*طيب المشا ورا اللافته ديل
*برضو وقعوا في الخطأ ولا مشوا ساي وما قروا يا فطومه ؟؟؟؟
*وفطومه قالت الريس هلالابي كبير
*ماشي
*اسألي الريس يا فطومه
*قولي ليهو وانت بتلملم في البلد جديد
*منو الوحد ليك الشعب في المطار ؟؟؟؟
*منو الجاب ليك كاس جوه القصر من بره ؟؟؟
*منو البقاك اول رئيس سوداني يأتي في زمنو كأس قاري لي نادي ؟؟؟؟
*منو الخلاك تتبرع بي مدينه رياضيه للرياضيين ؟؟؟
*كان قال ليك الهلال يا فطومه
*انا ببقي هلالابي
*لكن كان قال ليك المريخ
*ما تدسيها
*انطقيها ونسقيها يا منسقة الصفر الدولي
*وروشا تاني رجع لموضوع بكري
*الهلالابي كان طعنتوا شوكه
*يقول ليك شكوي بكري المدينه
*اسي الدخل بكري المدينه في كورة شندي شنو ؟؟؟
*وروشا شطح
*قال وديدي وابو شنب وبتاع كوستي ما يحكموها
*وكان حكموها علي الهلال ان ينسحب
*قولها من بدري يا روشا
*يا الطياره تقع يا تنسحبوا يا تتغلبوا
*وكت ابعدت ابو شنب الذي يجلب النقاط للهلال عااااادي
*مليت يدك من منو ؟؟؟؟
*ابو شنب بتاع بلنت جزيرة الفيل في آخر الكوره ؟؟؟
*ابو شنب الخلي معز يلعب بعد مسك بره الخط الكوره ؟؟؟
*ابو شنب وابو شنب وابو شنب
*ابو شنب الطرد لاعب حي العرب وترك سادومبا
*الكورة البعدها مع الزعيم عاد يطردوا كيف !!!!
*علي الرشيد ان يتبني مهرجان تكريم ابو شنب
*بالذات بعد نجاحو في اختبار اللياقه
*لقوهو لايق جدا
*ولو شافوهوا معاكم
*بعرفوا كيف انو لايق عليكم شديد
*المهم
*روشا قال الوصل داير يدي الهلال قروش عشان يلعب ضدو
*قالوا كردنه رفض القروش ووافق علي اللعب
*ذكرتني يا روشا واحد اسمو ايوه
*ايوه ده خال كوم ليمون
*بشتغلوا اعمال حره
*ايوه يجي ماشي في الشارع يتكلم براهو
*بقول ايوه
*تقول ليهو ايييييييوه
*يقول ليك ايييييييييوه
*قاموا الناس سموهوا اييوه
*تجيب ايوه تقاولوا علي نقل انقاض مثلا الي خارج البيت
*تقول ليهو بي جنيه
*يقول ليك لا 
*بي طراده بس 
*معقوله
*طلعتوا كردنه ايوووووه !!!!
*كردنه لو بيرفض القروش
*كان التزم بي الجوهره الزرقاء ميه في الميه
*ما كان قال خمسه وعشرين في الميه
*وتحت تحت قالوا قال ما بدفع الخمسه وعشرين في الميه
*الا بعد الجماهير تدفع الخمسه وسبعين في الميه
*تقول لي فحصنا التربه ؟؟؟
*طيب خلاص فحصتوها النتيجه شنو ؟؟؟
*ظهر ليكم في التربه بكري المدينه ؟؟؟
*خللووووه
*اقول ليك
*اشتكووووووووووو
*المهم
*رايكم شنو لو مباراة كأس الاستقلال تبقي دورة
*الاربعه فرق البتمثل البلد تشارك فيها
*اي فريق يقابل التلاته الباقيين
*والافتتاح يوم اربعه وعشرين 
*المريخ والهلال
*نشوف البطل الحقيقي منو والطيش منو 
*منها اعداد جيد للفرق الاربعه
*علي الرغم من ان الهلال ضعيف ولسه ما كمل اعدادو 
*وسيمبو ما دخل الامارات ولا دخل الفورمه
*المدرب جديد
*يبقي الفرق التلاته ما حاتستفيد من الهلال غيرتغلبو بس
*لكن الهلال حايستفيد من الفرق التلاته بالاحتكاك بفرق كبيره
*اها
*لاحظتو كردنه قال قاعد خمسه وعشرين سنه
*وقال بدفع خمسه وعشرين في الميه
*وقال اي لاعب ما بسجلو لو كان فوق للخمسه وعشرين
*وعمل مجلس استشاري اعضائه خمسه وعشرين 
*ولو لاحظتو الطراده هي الخمسه وعشرين
*اييييييييييييوه يا كردنه
*يادوب عرفت الحاصل
*انا من سمعتك خمسه وعشرين خمسه وعشرين
*اقول الزول ده شفتو وين
*ايييييييييييييييييييييييوه
*المهم
*الفكرة بتاعت دورة الاستقلال دي ما دايره ليها حلقه يا عثمان حسن مكي ؟؟؟؟
*ولا تأجل الحلقه لمن سيمبو يدخل الامارات
*والمدرب يقدم
*وبوي يبرا
*لو ضربتها كده يا عثمان حسن مكي بنرجاك
*ماعندنا مانع
*بس الجماهير تطالب بحلقه يا عثمان عن احمد بيتر وحقوق العباسيه 
*الجماهير الرياضيه دايره تعرف وين مشت القضيه
*والقضيه رياضيه
*موش برضك مجالك رياضي في الطبيه ؟؟؟
*ايها الناس
*ان تنصروا الله ينصركم
*اها
*نجي لي شمارات والي الخرتوم
*كان شفت يا والينا
*البرد حنه علينا
*مشي وقال تاني ما بجينا
*الخوف نبيع البطانيه التخينه
*ويرجع يجينا
*وتبقي فينا قصة راعينا
سلك كهربا
ننساك كيف وبلد زي المحمومه تسخن وتبرد براها
والي لقاء
سلك