بعد السنين المُرة
جاءت الفرحة الكنت مستنيها
بشوق العمر
جاءت انوار ضوت بيتنا كلو
ذوبت أحزان العمر
جاءت شوق وحنين
ملئت الدنيا فرحة
خلصتنا من الأسى
ودروبوا الموحشة
مشينا فيها سنين
لا حب ولا حنين
لا صوت منك
ولا شبيه ليك
في الناس
لا في الذوق
ولا الإحساس
ساقتنا الغربة
في دروب المحن
وسقتنا الأقدار
كاسات شجن
لكن ما خاب رجاءنا
ولا مات هوانا
ظلت المشاعر
تهفو لجمال عيونك
مثل الارض
تحلم بالمطر
والربيع بالزهر
عشقتك يا امر
هواك جواي إنكتب
منذ الصغر
بحروف من ذهب
الشاهد قمر
زخات مطر
تنساب حنان
تنساب جداول
تروي المشاعر
وقت السحر
توزع الأفراح
باقات زهر
تطرد من عينيك
بقايا السهر
تصحو المشاعر
على نغمات وتر
وينداح سحر عينيك
في الدواخل ضوء قمر
ويتوه الخيال بطلة جمالك
ساعة السحر
رغم البعاد وطول السنين
شوقي ليك زاد ما إنحسر
أعذريني يا امر إن ذعت سرا
بين البشر ما قيمة السماء
بلا قمر …؟
والسحاب بلا مطر …؟
فإنتي الشمس وانا البحر
صورتك ما زالت في مرآة ذاكرتي
رغم طول السنين لم تنكسر
وعيناك حدائق حافلة بالورد
صبتا في عمري طفولة لم تنحسر
هل تذكرين حبيتي يوم كنا صغاراً
نمتطي صهوة الأحلام . . يا أمر …؟
eltayeb_hamdan@hotmail.com
//////////////////
