بسم الله الرحمن الرحيم في السلك b_silik@hotmail.com *معز التمشيطيه *امس مشطها صاح *ارتكب الهلال ضربة جزاء في اول دقائق المباراه *معز مشاها *مشطها *يخطئ كعادته ولكن لا يظلم *بالمناسبه *معز التمشيطيه هو يحكم لقاءات المريخ واهلي الخرطوم دائما *المهم العز مشطها *واكتملت التمشيطه *بالغاء هدف التعادل الذي احرزه الميرغني *يخطئ طبعا ولا يظلم *ولكن الميرغني ايضا لم يستغل فارق السرعات بينه وبين اولاد فاطنه *فاولاد فاطنه مشهورين بالتقل في الحركه *ودي غلطه كبيره يا حمد كمال *المهم *القط الكاميروني متعوده *طواااااااالي بيرقر بالبيض هو الموجود والمطلوب *وحتي الهدف الذي تم الغائه *كان بيرقر بالبيض *مكسيم بالبيض علي الطريقه الزنزباريه *كديس الجداد *وكاريكا لسه زعلان *بيعة الكابتنيه داخله عليهو شديد *ايها الناس *سمعنا انو الفاتح النقر بحزم في حقائبه *لي اسي مافرتق باقي الشنط *لملم يا كوتش *والسبب هو ماصرح به للموقع الرسمي *الكلام القالوا عن ماسورية محترفي الهلال *وماسونية تسجيلهم *فالماسونيه جابت الماسوريه *المهم النقر قال كلام *الغريبه قالوا في الموقع الرسمي *ونفاهو برضو في الموقع الرسمي *الموقع ده ما رسمي ولا شنو ؟؟؟ *المهم النقر قالو *والكلام ده زعل فاطنه *والبزعل فاطنه في الهلال يا كوتش بنطرد *الدور علي كاريكا *فطومه زعلانه منو شديد *ايها الناس *صحيح ماسمعناهو عن بيع الهلال لحقوق البث بتاعت مباراة كي ام كي ام لشركة خاصه ؟؟؟ *مامتأكدين *لكن سمعنا قالوا باعها للشركه بي سبعين *والشركه باعتها للنيل الازرق بي ميتين وخمسين *الميه وتمنين اولي بيها ياربي الشركه ولا الهلال ؟؟؟ *فطومه افيدينا *باقي بنصدق كلامك *موش انتي الناطقه الرسميه والمنسقه الهلاميه اقصد الهلاليه !!!! *ورينا يا فطومه واغنينيا عن البحث عن حقيقة الموضوع ده *المهم *اكتب قبل لقاء القمه بين الشفوت والنمور *وشعار الشفوت من عزام ولي فدام *موعودون بالثلاثيه ان شاء الله *غايتو ضفر لو جاب قون *التلاته مضمونه *ايها الناس *فيما يتعلق بالتشجيع والروابط المريخيه *الموضوع بدأ ياخد مناحي اخري *مناحي لا تفيد المريخ بقدرما تفيد اشخاص بعينهم *ولأننا لا نسكت علي ما يضر بالمريخ *سنعود للموضوع بوضوح شديد *لكن مكسيم امورو واضحه شديد *بيرقر بالبيض طوالي *جيبي الكمونيه يا بت *القط ده يمكن تعجبو يخلي البيض ده *المهم *بالقرآن مريخنا مصان *ايها الناس *ان تنصروا الله ينصركم *اها *نجي لي شمارات والي الخرتوم *كان شفت يا والينا *البلد كلها بوسترات معلقه لينا *نحنا في المدرسه ما قرينا *نقرأ في الشارع يا والينا !!!! *المهم سته بوسترات معلقه لينا *البوستر الاول *انتخبوا مرشحكم رمز البتضلل *او رمز البتفلق *من اجل اكمال مشاريع التنميه *من اجل المرأه والرجل والطفل *من اجل شاي بدون تفل *من اجل القضاء علي الجقر *والصورة يا والينا صورة جقر *البوستر التاني *كشكش للعلاج بالقرآن *رقيه شرعيه *اخراج الجني واخلاء الجنيه *علاج الحركات القرديه *وتنمية القدرات ال...الفرديه *البوستر التالت *آدم كديس *لعلاج البواسير *والمرض الخطير *للتكبير والتصغير *لعلاج ورم المواسير *لتبييض الاسنان واعادة بريقها بالجير *البوستر التالت *الفنان الكبير بنادي الجيش *حفله من امها تخلي النفوس بالشجن تجيش *لايوجد الغاء ولا في تفتيش *تعال ومعك آخرون واجمل اللحظات عيش *البوستر الرابع *علاج البشره بالاعشاب *تضخيم مناطق معينه وهامه وتصغيرها *تفتيح بشره وتسميرها *اطالة الشعر وتكبير الشعر برضو ونفخ الشلاليف *لدينا اخصائيين للجضوم وتدويرها *ازالة النمش والشلش والشعر الاتنفش والاتنكش *نفخ الساقين وتدويرها *ازالة البقع والقلب المن البورة انفقع *وعلاج العنوسه والتيوسه والبت العرسان تكوسها *البوستر الخامس *الهجره الي امريكا *عشان تغير الحال الفيكا *يمكن تضرب معاك واللوتري تجيكا *يمكن تتخارج بالمزيكا *وتفارق وطن الكبري الداير يرميهو الجقر فيكا *البوستر السادس *استاد الجوهره الزرقاء *يسمني ويعميكا *والينا *عايشين فظائع *سته بوسترات والبخت ضائع سلك كهربا ننساك كيف والقرايه مرقت من المدرسه بقت في الشارع....انتخبوا ....القرايه ام دق والي لقاء سلك
