ناظر المجانين المزروب…. محمد عبدالسلام
أيام طلاب الحركة الاسلامية كتلوا محمد عبدالسلام فى جامعة الخرطوم جروه على السلالم وراسو يخبط في كل درجة لامن مات
اتخيل تانى يوم قطاع الطلاب بتاع الحركة الاسلامية قالوا شنو؟
قالو كتلوه الشيوعيين
اي والله
كيف يعنى كتلوه الشيوعيين؟
قالو اصلا هو كادر بتاعنا وكنا عاملنو غواصة فى الشيوعيين والشيوعيين اكتشفوه وقامو كتلوه
ودوووورو اركان النقاش تتهم الشيوعيين بلا خجل او خوف من الله…
قطاااع كاااامل حق تنظيم عارفين ومتأكدين انهم كتلو محمد عبدالسلام ورغم ذلك راحو اتهموا حزب المقتول انهم المجرمين والقتله..
علما ان كميه من قيادات القطاع الطلابي كانو ضباط فى الاجهزة الامنية
عارفين الكتل جريمه لكن ما نتبرأ منها او نستغفر او نتوب لأ نتهم الاخرين العارفين تماما ومتاكدين انهم ابرياء..
قتل وتستر جنائي وتواطؤ على الكذب والتلفيق ثم التكبير والتهليل لله سبحانه وتعالى
قادر تشوف المشهد عشان كدا بقول الجرايم جرائم ممنهجة ومتفق عليها ما قضية خطأ شخص او تجاوز فردى
وانما اعمل جريمتك ونحن بنبارك ليك ونفتش مخارجات ونكضب ونتهم الاخرين ونهلل ونكبر
ما حدث فى المزروب حدث من قبل فى جامعة الخرطوم
حرب_الكضابين
حرب_عبثية
