ابو تراوري اوعه يكون سافر !! .. بقلم: بابكر سلك

بسم الله الرحمن ىلرحيم
في السلك
b_silik@hotmail.com
*ايها الناس
*الوضع يتطلب عقلانيه لا انفعال
*نعم احبطتنا النتيجه في دار جعل
*ونعم انهزمنا قبلها بدارنا امام السلاطين
*ونعم خسرنا بالتعادل امام اهلي الخرطوم
*ولكن كيف كان موقفنا في تلك المباريات ؟؟؟
*بالتأكيد المتتبع للمباريات المعنيه
*يقسم ان النتيجه العادله لمباراة الاهلي كانت فوز المريخ بعشاريه
*والنتيجه العادله لمباراة السلاطين فوز المريخ بثمانيه
*ونتيجة شندي فوز المريخ علي الاقل برباعيه
*ولكن لماذا حدث هذا ؟؟؟
*جمال عبدالناصر في عام النكسه
*كانت لاتنقصه روح ولا يفارقه طموح
*فقط كسر الروس شوكته بالسلاح الفاسد
*وفي ساعة الصفر اكتشف القائد جمال عبدالناصر ذلك العيب في اسلحته التي كان يعتمد عليها في الحرب
*نحن كذلك
*اسلحتنا للمعارك هي لاعبينا
*وبعض الاداريين في القطاع 
*وعدو امتنا قبل الخصوم هو التحكيم
*في مباراة الاهلي الخرطوم 
*معتز التمشيطيه مشطها وصرف ضربة جزاء كانت ستعلن عن الهدف الثالث 
*الذي بدورة يعلن عن موت الاهلي في معركتنا
*وفي مباراة السلاطين اوقفت الرايات اي طلعات هجوميه لنا
*بل وكالعاده صهين التحكيم الذي يتضامن ضدنا مع التنجيم
*صهين عن اكثر من ضربة جزاء
*فضربات الجزاء حرام للمريخ
*بالذات اذا ارتكبت ضد بكري
*لا لشئ
*سوي المشاركة في حملة تحطيم بكري
*فتارة ينذرونه دون سبب في بداية المباراه
*ليحجموا ادائه كما حدث امام مريخ كوستي
*ومرات عديده يسكتون علي حملة الاباده التي يتعرض اليها ميدانيا
*ويحرمون احتساب اي ركلة جزاء ترتكب مع بكري
*ايها الناس
*بكري مهاجم مزعج
*وبقوم بادواره كامله
*العليهو بعملو والولاده من الله
*لكن ما بقصر
*ايها الناس
*الذين يتآمرون لن يحطموا المدينه ولكنهم قطعا سيعلنون شرارة احراق المدينه
*وحتي لا تحترق المدينه
*علي الذين يخطئون ولا يظلمون حسب زعمهم
*ان يوقفوا الاخطاء (المانيوال ) دي
*لان العاقبه بالتأكيد لن تكون عندهم في المسرات
*العاقبه ستكون عقابا كبيرا لاينفع عنده الندم ولا يشفع فيه انسان
*المهم
*نعود لموضوع الاسلحه
*في الميدان لدينا مدفع اسمه تراوري
*المدفع ده عطلان
*لا شغال ولا بشتغل
*وقلناها كثيرا
*الزول ده لن يفيد المريخ في شئ
*لين وهين وبين 
*اناني ومستهتر ومتطنقع
*والذين يدافعون عنه يقولون انه موهوب بدليل انه لعب في اربعه سنين لسته فرق من ضمنها الترجي
*صحيح انه لعب 
*ولكن وجه العمله الآخر يقول طالما في اربعه سنين استغنت عنه ست فرق من بينها الترجي
*يبقي لا رجاء في هذا التراوري
*الزول ده ابوهو ان شاء الله ما يكون سافر
*حقوا يرافق ابوهو احتراما و برا به
*ويقعد معاهو هناك
*هنا ما بنفعنا ابدا
* وتراوري من اسلحة الروس التي خدعوا بها جمال
*جمال عبدالناصر
*المهم
*نتحدث عن تراوري بهذه الصفات لاننا نفتقد لصفات ايداهور
*اليوم ذكري الرحيل 
*لو استنساخ مفروض تتكرر يا رجل
*ايها الناس
*الروس عندنا كتاااار شديد
*روس القطاع والدائره 
*وللاسف القياده تثق بهم شديد
*وسنويا يخدعون القياده بالاسلحه الفاشله
*وهم الآن من يصنعون الحرب البارده علي عبدالصمد
*لان عبدالصمد يري انه دخل المجلس من اجل الروس
*ومن اجل التيوس
*ومن اجل تخصيص ما للمريخ للمريخ
*بدون كومشنات وبدون كباري وبدون سمسره وبدون جمجره ولا شمشره
*وحكي لي لاعب كيف ان جمجمارا اقتطع منه مائة مليون سمسرة وشمشرة واسكات جمجرة
*المهم
*المريخ لا يهزمه الا المريخ
*ولن نترك صالح المريخ يبتعد من اجل بقاء طالح المريخ
*وكشف المحظورات والمستورات بالبينات القويه هو المخرج الوحيد
*ايها الناس
*المريخ لا يقارن باي فريق في البلد دي
*وتعرفوا جيدا ان الاهله لا يعترفون بجمال في المريخ مهما بهر ذلك الحال العالم كلو
*نكروا سيكافات التي تمنعت عليهم
*وبخسوا مانديلا الذي يدركون تماما انه حلم حياتهم
*وعلي الرغم من كل ذلك
*اعترف اكثرهم اثقالا علي المريخ
*خالد ثقالات 
*اعترف علنا بالفارق الكبير بين المريخ والهلال فنيا
*وقال الهلال لو مالحق روحو 
*حايبقي ميزان القوة آحادي الكفه
*يعني بوضوح المريخ امريكا وابو الهل الروس 
*والروس الروس حباب التيوس كانت نغمة العزله في دافوري زمان
*ايها الناس
*لايقارن المريخ فنيا بكانوتيه وكمونيه
*ولا غرزه بالنقرين 
*ولا جيمي باي زول
*وحتي القط الكميروني  الذي فخروا به
*طلع كديس سااااي
*حيرت الجداد يا مكسيم
*ايها الناس
*الدوري ملحوق
*لان الكلمه فيه للتحكيم لا للبستحق
*ولاننا لن نسمح لها ان تكون كذلك
*قادرين علي اخراس صوت الذين يظلمون ولا يخطئون
*تاني لو قالوا ليهم اخطئوا ما بخطئوا
*اما افريقيا
*بمقدورنا المضي بعيدا في البطوله
*بالذات بعد ترميم النواقص في التكميليه
*من اسي هداف وليس مهاجم في مكان تراوري
*تراوري لازم يخدم ابوهو هناك
*والباقي غرزه عارفو
*ايها الناس
*فريق عندو خمسطاشر نقطه
*اطناشر منها اتي بها التحكيم الذي يخطئ ولا يظلم
*تلاته  نقاط في كورة النسور
*اخطأ التحكيم في الآتي
*اتنين ضربات جزاء اوضح من الشمس وحالة طرد في الدقيقه تمنيه
*تلاته في كورة الميرغني
*ضربة جزاء للميرغني في اول المباراه
*والغاء هدف صحيح في الشوط التاني
*وتلاته في الابيض
*فلو لا رعونة مقدم وحظه العاثر لما احتاج الامر لضربة الجزاء التي صرفها قاضي الجوله خطأ ماقاصد
*باختصار
*لايستحق الهلال الا نقاط كادوقلي
*وكلنا اليوم في انتظار رضا تحكيميا
*الليله رضا الا يكلمنا عن المدائح
*لو جاب كورة بفضح التحكيم
*ايها الناس
*لدينا مباراة دوريه لسه مالعبناها
*بالتأكيد ستقلص الفارق لنقطتين
*قول التحكيم خدم الهلال لي نهاية الدوري
*السته نقاط بتاعاتنا بعمل فيها شنو ؟؟؟
*قلت ليكم الدوري ملحوق
*ايها الناس
*سمعنا بالزول الجابوهوا الناس واتفقوا معاهو بي تسعه مليون
*بعد خروج روح ادوهوا اتنين
*وبقي يحفر لينا
*الموضوع ده ما بنخليهو
*حانوصل حدو
*دي فوضي شديده
*وشرف الانتماء يفرض علينا ان نكشف للجمهور التفاصيل الدقيقه
*ابقوا معنا
*ايها الناس
*مباراة شندي لا تحبطكم
*اعتبروها 
*فاصل ونواصل الانتصارات ان شاء الله
*ايها الناس
*ان تنصروا الله ينصركم
*اها
*نجي لي شمارات والي الخرتوم
*كان شفت يا والينا
*مراكز الخصوبه انتشرت فينا
*مالنا يا والينا ؟؟؟
*زمان ارض وعرض خصبين زينه في زينه
*اسي السماد مالينا
*وبرضك لا بننتج ولا بطمر السماد فينا
*دي المشكله
سلك كهربا
ننساك كيف واليوم ذكري رحيلك وتراوري قاااااعد
والي لقاء
سلك