بسم الله الرحمن الرحيم في السلك *فطومه اختي قالت انهم جاهزين بامر قبض علي غرزه *ووصل غرزه *ولم يتم القبض علي غرزه *ياربي امر القبض اتلغي *ولا يوم الجمعه لايجوز القبض ؟؟؟؟ *يابكري المدينه *فيفا شنو يا اخوي *اجري جريك قشه ماتعتر ليك *الجماعه ديل فرزدق ساي *انعم بطول سلامة يا بكري *وحلاة البدله فوقو *ايها الناس *سافرت البعثه الظافره للقاهرة *وبالمناسبه *القاهره مريخابيه *قاهرتنا وبنريدها *لانو عند انشائها *كانوا يبحثون عن اسم لها يرمز للقوة والفتوة *فاسموها علي الكوكب القاهر *بقت القاهره *والكوكب القاهر هو الكوكب الاحمر *والكوكب الاحمر هو المريخ *كمان في دي غالطومنا *وبكرة اطلعوا لينا بي مكنة جديده *وقولوا لينا انو القاهره سموها علي تيم عباس *وقولوا لينا انو الكوكب القاهر ما المريخ *والكوكب الاحمر ما الكوكب القاهر *ويطلع علينا كرنه ببيان يوقل فيه *(الغاهره ) سموها علي الهلال *كانوا قاعدين ناس حسيب جمب بيت ناس عطا الله *وجا محمد نجيب ماشي *وكان بفتش في شئ *قالوا ليهو بتفتش في شنو يا سعادتك ؟ وقع منك شئ ؟ *قال ليهم بفتش في اسم للعاصمه المصريه *قام حسيب قال ليهو سميها علي الهلال *سميها القاهره *المهم *وصلنا القاهره *لكن للاسف لم نجد شمس الفلاح ولا ابراهومه ضمن البعثه *زعلنا شديد *برغم انو وجود نمر وحسن سفاري ريحنا شويه *لكن غياب او تغيب ابراهومه وشمس الفلاح ما ريحنا *والزعلنا اكتر انو اسباب الغياب منهم *يا ابراهومه ويا شمس الفلاح *لا جدال حول موهبتكما *ولن تنكروا اتاحت المريخ للفرصه لكما لتضعا ارجلكما علي سلم النجوميه *ولن تنكرا وقوف جمهور المريخ معكما منذ الاشبال *واذا نسيتم ده كلو *وبدأتم حركة تمرد *تظنون انكم اكبر من المريخ *الله اكبر *كما مضي غيركم *تمضون ويبقي المريخ *ارجوا تقديم اعتذاركما سريعا *وتأدبكما بادب المريخ *ثم بعد ذلك فكروا في حقوقكما *لو قصر المريخ مع واحد فيكم *لومونا *لكن لي يد الزعيم *رجال كباااااار بي شنبتهم ما فكروا فيها *فرصة الاتعذار قائمه *والقطار سار *يا تلحقوا يا تلحقوا امات طه *مريخ اليومين دي *مريخ القوة والشده والشفتنه وايمن سعيد *اقل من كده *قطر عجيب يا حبيب *المهم *روشا لمه ليك في كسلا ماخلي ليهو جهه يرقد عليها *يا كسلا *يا دكتور *يا كابتن *ما تزعل *روشا ده اصلو كده *يشرب معاك القهوه *وبعد داك يسمعك صفقه لمن تعرف حاجه *عشان كده جبنتو بارت يا حبيب *خاتنها هو وفطومه *تبرد يسخنوها *لكن زولا يجالسهم عليها ما لقوا *غير كردنه ماعندهم زبون *اديها صنه *كردنه يسمع ليك صفقه لما يعرف حاجه *عشان كده يا كسلا *لما المريخ جابك من كسلا *ماكان في داعي تغير وجهتك لما وصلت الخرطوم *وتمشي لي ناس روشا *كسلا ده بسمعوهوا صفقه يا روشا ؟؟؟؟ *ايها الناس *ان تنصروا الله ينصركم *اها *نجي لي شمارات والي الخرتوم *كان شفت يا والينا *انا وشفعي مشينا *قلنا نتفسح يا والينا *وديتم جمب بنطون توتي قلنا هواء نشم لينا *وعشان يعرفوا انو هنا كانت توتي يا والينا *يمكن نصحي نلقاها بقت ما توتينا *بقت صرح ماعندو علاقه بينا *زي برج الفاتح وجنينة الحيوانات الكانت لينا *المهم يا والينا *اثناء قعدتنا والقاعه بين ظهرانينا *آلاء بتي اتلفتت علي القاعه وقالت لينا *تعالوا ندخل مسرحية السرقونا اعترفوا *هكذا قرتها وهكذا قالت لينا *قلت ليها المسرحيه اسمها السرقونا اتعرفوا *لكن لسه ما اعترفوا يا بتي لينا *تاني قرتها السرقونا اعترفوا يا والينا *قلت ليها يسويها الله يا حبة عين نينا *علي الاقل تنكسر عينهم وما يقدروا يعاينو جوه عينينا *موش يسرقوا فينا ويحمروا لينا ونكسر نحنا عينينا *لكن المقلب لو اعترفوا لينا وبعد داك اتحللوا يا حبة عين نينا سلك كهربا ننساك كيف وكان اتعرفوا ولا اعترفوا حقنا مين برجعوا لينا !!!!! والي لقاء سلك b_silik@hotmail.com
