المرة الجايه ضبيحتنا تيوس .. بقلم: بابكر سلك

بسم الله الرحمن الرحيم
في السلك
b_silik@hotmail.com
*ضبحنا الخرفان ومحمد عبدالماجد فرحان
*لكن محمد عبدالماجد ماعارف اننا المرة الجايه ضابحين تيوس
*عندنا تيوس كتاااااااار
*ولحم التيوس برغم انو زفر الا انو لذيذ شديد
*في السعوديه بحبوهو شديد
*ناس جده بالذات بياكلوا التيس السعودي اكل صاح
*وشدة ماعاجبهم بسموهوا الجدي
*كدي يا الجدي
*جد لينا يا الجدياس
*المهم 
*ضبحتنا الجايه تيوس
*الكمونيه يا بت
*كمونية التيوس غير
*اهلنا في دارفور بعملوها بي طريقه معينه
*بسموها حاج مرتوق
*حاج مرتوق دي بعملوها كده
*بعد يضبحوا التيس
*بنضفوا العفشه
*وبدخلوا الكمونيه جوه الكرشه
*وبختوا معاها الراس
*يقفلوا الكرشه كويس
*ويضعوها في الفرن
*تنجض باللهب
*لهب النار
*ولون النار احمر واصفر
*لما يمرقوها 
*الجمبك ما بتديهو
*دي طريقة عمل حاج مرتوق
*عرفتيها يافطومه ؟؟؟
*عشان لما ضبحتنا تكون تيوس
*تعملي لينا الكمونيه حاج مرتوق
*والتيوس عندنا راااااقده
*مربطنها من قبل كورة عزام
*خاتنهم في الزريبه
*حتي بالامارة يوم كورة عزام
*الراعي كان مشغل الكورة في الراديو جمبهم
*والتيوس يسمعوا ساااي في الكورة
*اعصابهم باظت
*واحد فيهم لما جبنا القون الاول 
*زعل من انو يجيب القون بكري
*لبلب ليك جنس لبلبه
*وبرطم ليك جنس برطمه
*وكشح الامباز
*في القون التاني
*تيس تاني نطح سخلتين قرب يكتلن
*مع القون التالت
*التيس الكبير وقع
*وقام حيلو
*وقع تاني
*الغنمايه قالت ليهو سجمي مالك ؟؟
*قال ليها شوفي يا الغنمايه
*تاني لا انتي ولا باقي الغنم ما بتقدرن تتطنقعن علينا
*وجع الولاده الليله ضقناهو
*تاني كان مرا اسمعك تقولي وجع الولاده
*جيبي الكمونيه يا بت
*وما تنسي
*لما الضبحه تكون تيوس
*الكمونيه حاج مرتوق
*جوه الكرشه وجوه الفرن طوالي
*روشا اخوي
*يوم ضبحة التيوس عازمنك
*اليوم داك ما تفطر
*شية تيس وحاج مرتوق
*موش حاتقدر تلحس اصابعيك
*المهم
*في اي مهنه في شاعر
*وبتأثر الشعر بالمهنه طبعا
*مثلا المحاسب الشاعر بكتب شعر لي حبيبتو ويوقل
*مشيتك يا بهيه
*بتوازن فيها الايراد والمنصرف وبتظبط الميزانيه
*منه وله ولي وعليا يطير عقلي وتطير الماهيه
*الطبيب برضك
*انتي …..انتي ….انتي بايوتك
*كلو زول حسب مهنتو
*قام جا شاعر جزار ماشي جمبنا لما ضبحنا الخرفان يا محمد عبدالماجد
*عجبو المنظر ودور جواهو شيطان الشعر
*اسمو اكرم زكي 
*قال
*ياجزارة الفريق ****يا اللحمك للحي القدامنا ***يا الدمك رشانا
*ياجزارة الفريق ****ضم زنكيكي الضلام ****جوه في بطنك كلام ***انو ميزانك تمام ****الا عدلك مو تمام والله قانونك عجيب
*الجلافيط للكلاب ***والعضام قدام الباب ****واللحم للبيتو عالي ****وما بتخبط ليهو باب
*ولان الشاعر جزار عرف يوزع الضبيحه كويس
*الجلافيط اداها للكلاب
*والعضام مجدعه قدام الباب
*واللحم للبيتو عالي وما بتخبط ليهو باب
*طبعا الراس جوه الكرشه مع الكمونيه 
*حاج مرتوق
*والجلد اداهو لي محمد عبدالماجد بس ما افصح
*خلاها كوتيمي
*غايتو حابدع يوم نضبح التيوس
*التيوس طاعمها
*اسالونا نحنا
*طوالي ماكلنها
*وحانعزم باسكال
*باقي الراجل بحب لحم التيوس شديد
*اكلو معانا قبل كده كتيييييييييير
*ايها الناس
*ابلغ عبارة سمعتها قالها الريس محمد الياس
*قال
*شكرا عزام فقد وحتنا
*شكرا ود الياس
*وشكرا شعب المريخ حكومه ومعارضه
*وده المريخ
*يتناسي الناس صغائرهم
*ليلبوا النداء
*ايها الناس
*ملاحظين انو ضفر كلما يجيب قون بنغلب تلاته
*قبل كده ضد الهلال افريقيا
*جاب الاول وساكواها جاب اتنين تاني
*وتاني مرة ضد الهلال زاتو في كاس السودان
*جاب الاول وايمن سعيد جاب التاني وراجي جاب التالت
*واسي امام عزام
*سمعنا بالاسطول التالت
*لكن ضفر التالت دي جديده
*ايها الناس
*موقعة عزام موقعه تاريخيه
*استمدت شراستها من قلوب الشفوت
*ومن سجلات التاريخ اعدت لنا ذكريات مانديلا
*قابلنا البنزرت
*حتي الدقيه اربعين من الشوط التاني المباراه تعادل سلبي
*كنا قد خسرنا بتونس واحد صفر
*دخل سامي عزالدين
*مرر لسانتو 
*فكان الهدف الاول في الدقيقه اربعين
*استبدل التوانسه حارسهم بحارس آخر يجيد التصدي لضربات الجزاء
*وفي الدقيقه سته واربعين ومن ركنيه
*لعبها سامي احرز منها سانتو الهدف التاني
*الهدف الغالي
*الهدف الذي اهلنا
*وعاد التاريخ
*ايمن سعيد البشبه سامي
*دخل في الشوط التاني
*وفي الدقيقه سته واربعين
*لعب الركنيه التي احرز منها وانقا هدف التأهل
*يا مرحبا بالتاريخ والحاضر والمستقبل
*ده حالتو ضابحين خرفان عاديه
*لسه ماضبحنا التيوس
*الكمونيه يابت
*ايها الناس
*شعارنا لمعركة شندي
*لن ندعك تسير وحيدا
*وسنعود بالنقاط الثلاثه
*-ان شاء الله
*بكري المدينه عندو قون
*اول هدف ليهو باستاد شندي
*ايها الناس
*ان تنصروا الله ينصركم
*اها
*نجي لي شمارات والي الخرتوم
*كان شفت يا والينا
*نمشي مصنقعين بقينا
*خايفين يا والينا
*طيارة تقع علينا
*الطيارات دي يا تصينا
*يا طيروا بيها غادي غادي يا والينا
*تقع هناك حولينا وماعلينا
سلك كهربا
ننساك كيف وكان نطت كديسه سمينه في راس البيت نجري كلنا نفتكرها طياره
والي لقاء
سلك
///////////////