تذهب الأصنام وتبقي الشعوب .. بقلم: ابوبكر خيري

بسم الله الرحمن الرحيم

نجمة
* تذهب الاصنام والطغم الحاكمة وتبقي الشعوب صاحب الحق الاصيل في الوجود ..
نجمة
* لو لدامت لغيرك لما آلت إليك … مقولة مجربة لدن فرعون موسي وكل طواغيت الارض ..
نجمة
* قالها قبلك ’’لن نسلمها إلا لعيسي‘‘
فرفض عيسي عليه السلام المجئ إليه ، ليستلمه منه ، فسلمها للعسكري ، فجاء العسكري ، وقال نفس المقولة .. فتأخر عيسي ، ونسي العسكري ’’لكل شئ إذا ما تمت نقصان فلا يغر بطيب العيش إنسان‘‘ …
نجمة
* عيسي ده حق زول فيكم ؟؟؟ والا مرسال من عندكم !!! سبحان الله ، كل واحد شم ريحة أباطوا وطلع وإتحكر فوق كرسي السلطة يقول ليك ’’ما حنسلمها إلا لعيسي‘‘ ؟؟؟ ومين القال ليكم عيسي أصلا عايز يشوف زي وجوهكم دي ؟؟؟ عشان يستلم منكم !!!
’’تؤتي الملك من تشاء ، وتنزع الملك ممن تشاء‘‘ (تنزع الملك ، نزع الملك مثل الروح) وسبحانه مغير الاحوال من حال الي حال …
اللهم ثبت قلوبنا علي دينك … وأنصرنا علي الحرامية ..
نجمة
* هو كل عسكري بيجئ يقعد فوق كرسي العرش السوداني ، كان له سابق معرفة بالشعب أو بالإدارة !!!
ما ياهو جرقندي بيطلع يلعلع فوق رأسنا ، ويجلس ما شاء الله له أن يجلس ، عبود ست سنوات ، نميري 16 سنة ، وهذا الهمبول بالله يقعد 30 سنة ؟؟؟!!! وا فضيحتاهـ …
يا زول أخجل علي حالك وإتخارج …. قال عشرين عشرين …
وأنت ماشي بركب صناعية ….
نجمة
* الكيزان طلعوا بالليل لمن سمعوا بالمظاهرات الليلية واحد بقول للتاني ’’والله انا من الله خلقني ما شفت هجمة زي دي‘‘ قصدو يقول نجمة … لكن اللسان مسمار القلب …
نجمة
* نفسي أدخل جوة كم كوز كده عشان أقدر أقرأ مدي صدقه مع نفسه !!!
لكن هل كان المنافقين إلا في الدرك الاسفل من النار …
نجمة
* والله من ما شفت الفيديو بتاع الزول القال شفت الرسول صل الله عليه وسلم ماسك مين بيمينو ومين شنو كده بشمالو … شعر جسمي كلبت ، وبطني طمت ، وبقيت شايف الزول ده مسيلمة الكذاب‘‘ ..
نجمة
* المشكلة في الزول القدر واصل كذبوا وإرتقي سلم العصابة …
حاجة تحير …
نجمة
* قوة عين زي ده ما لاقاني … يسرقوا هم ، ونخجل ليهم نحن ؟؟؟!!!
شفت كيف ؟؟؟ غريب اليد والوجه واللسان ….
فطوبي للغرباء ….
نجمة
* في المثل النوبي إنه في آخر الزمان سيأتي أقوام يأكلون كل من ليس معهم ، وسوف يأكلهم النار …
وفي ظني إنهم الاسلامويين ’’حرامية الدين والاخلاق‘‘ …
كأنما لسان الحال يقول لنا ’’ماذا يبقيكم للعيش في بلد لا أخلاق فيه ؟؟؟
نجمة
* السيد العسكري البليد وتوابعه مازالون يصرون علي من هو البديل !!!
سبحان الله …
هو أنت كنت نبي آخر الزمان أم أحد المبشرين بالجنة ؟؟؟؟ ما علينا ههههههههههها ’’كما يقول عمنا السر قدور، رضي الله عنه‘‘

نجمة
* البديل فنان بيعرف يغني ويرقص ، وبلالي الركب أصلي …
قلت كيف ؟؟؟
جبنة وشاي …
يا حبشية كبي حرجل ….
ديل الله ما يخلي فيهم عقاب دم …

bakrykhairy@gmail.com
////////////////

الكاتب

طارق الجزولي