دق الدلجه .. بقلم: بابكر سلك

بسم الله الرحمن الرحيم
في السلك
*اليوم نلتقي هلال الفاشر بارضنا
*لان الفاشر هي فاشر السلاطين
*والزعيم سلطان كبير
*الارض ارضنا
*وشفوت الفاشر لايقلون عشقا للزعيم عن شفوت العاصمه
*بل قد يفوقونهم في بعض الاحايين حبا وعشقا ومناصرة
*فالذين يتواصلون معنا من فاشر السلطان
*اكدوا لنا عمق الترابط الوجداني بالزعيم
*لانخاف علي المريخ في بلد ارضه وجمهوره حقاتنا
*سننتصر باذن الله
*سنعود بالنقاط التلاته
*لنشكل ضغطا لوصيف الوصيف في مباراة كادوقلي
*فوصيف الوصيف يرجف براهووو
*كمان نجيب تلاته نقاط تاني
*صدقوني
*الجوهره بترجع مقبره
*وبندفن فيها الوهم والفشل وكل المواسير من جديد
*ياشفوت الفاشر
*يا ابناء السلطان
*هنيئا لكم والزعيم بينكم
*مابوصوكم عليه
*انتوا اهلوا وتستاهلوا ان تستمتعوا
*وان تنتشوا وتنتصروا للزعيم
*شفوت الفاشر
*شكرا مقدما
*اها
*امس محمد عبدالماجد دق الدلجه
*ردح ردحي من امو
*اصلو ده حال البموت ليهو زول عزيز
*والهلال بالنسبه لمحمد عبدالماجد عزيز
*عشان كده ردح
*اتكندك بالتراب 
*دق الدلجه واتدردق في الواطه دي
*ووصف الحال بدون رتوش
*لاخلي ليك المواسير البتنقط من جابوها
*وقال دي اتقدت متين ؟؟؟
*متين دخلت اللعب عشان تنقط كمان
*وقال وين الفجيره وما ادراك ما الفجيره
*وفييييييييييييييييييط
*قشاها في طرفو 
*وواصل ردحي
*الليله يا حليلك يا خليفه
*يا الماطلعت فنيلتك نضيفه
*يا الكان قلبك حار برغم رجلك ماحريفه
*واهي اهي اهي 
*وفييييييييييييط
*جابوا لينا بوتاكو
*قالوا لينا ببقينا زي موناكو
*والكاسات في دواليبنا يتاكو
*بوتاكو وكيبي يتاكو
*خلوا الجماهير يتباكو
*واهي اهي اهي
*احي
*وفيييييييييييييط
*المره دي قشاها في الحيطه
*الليله ياود امي
*الليله يا ود بخيت
*يا البتمرق الجمهور سعيد
*جدعوك بعيد وجابو لينا اليوناميد
*واهي اهي اهي
*وووووواي
*وفيييييييييييييييط
*المره دي ابت تطلع
*وواصل ردحي
*والليله يا المدينه
*يا الكنت بتجري لينا
*تفتر الخصم وتخفف الضغط العلينا
*فقدناك وقاعدين سااااي بقينا
*ووووووب
*وووووب
*ووب , ووب وو,ب
*وفيييييييييييييط
*المرة دي مرقت كبيره
*مرقت بكري منهم عاد ماكبيره شديد
*ويواصل الردحي
*الليله الا نستعين بالرديف
*بعد فشل كارديف
*لكن كان استعنا بالرديف
*الا نردف
*الجمهور قرر الجلد الفصل كلو
*وابو الفصل زاتو ينجلد
*وووب , كر عليا وكر عليا
*وينوح ابو حميد
*يافطومه الغشيتينا
*يافطومه الجهجهتينا
*فرطتوا في المدينه
*وخربتوا الزينه
*ياناطقه افتينا
*بكري برجع لينا
*ولا نشوف لينا مدينه
*ولا قصة لوزان مكنه وربطتيها لينا
*اهي اهي اهي
*كر علي وكر علي وكر علي يابكوري
*وفيييييييييييييييييط
*دي جات كبيره قام دق الدلجه تاني
*قام واتنفض
*والله محمد حننا 
*اتجرس جرسه
*الحكاية دي دخلت عليهو شديد
*واحد قال ادوهو مويه يبل ريقو
*جغمناهو
*قلنا ليهو غسل وشك واستغفر
*قال ما بغسلو
*وما …بغسلو
*خلوني انفشه وكت مافشوني  ناس بشه
*حليلك يا بشه يا الطلعت غشه
*شال القريشات عرس بيهن وشبع واتدشه
*خلانا جعانين للنصر وهو يداعب بين سنيناتو اللحمه بالقشه
*ده فريق داير كشه
*ووواي ,,,ووووب 
*واهي اهي اهي
*وواصل الردحي
*طبعا في بيت الفراش ناس روشا كانوا قاعدين
*لكن الموضوع مافارق معاهم كتير
*النوع البتلقاهوا قاعد لابس النضاره السوداء وخاتم كبير
*ويشرب في القهوه والشاي 
*ويناقش في سعر الدولار
*ويهز في راسو يعني عامل فاهم
*ويسألأ ليك من زول كده يكون ليهو اربعين سنه مافي زول شافو
*موش في ناس كده فاكنها في روحهم
*بتكلموا براحه عاملين فيها فاهمين ومرطبين ؟؟
*النوع ياخ البتلقاهو راكب عربيه بالقسط
*ويقول ليك لما جبتها من بلجيكا ماكلفتني كتير
*بلجيكا ؟؟
*بلجيكا بالصلعه!!!
*انتوا لسه ما تبتوا من بلجيكا دي ؟؟؟
*المهم
*الجماعه البكونوا قاعدين ديل
*ولما يجي زول يشيل الفاتحه
*يقيفوا نفرين
*ناس روشا مابقيفوا
*تلقاهم قاعدين كان بالغوا الواحد فيهم يفتح يدينو
*والايدين واحده تكون فيها سجاره كمان
*واحد من الناس الفي الصيوان يلاحظ ليهم
*يقوم يقول الجماعه ديل المرحوم ما واجعهم
*ينط ليك واحد تاني
*ديل الكتلوهوا  زاتهم
*كتلوهوا كيف يا زول ؟؟
*ديل ناس العربيه الدقشت المرحوم
*طيب مفروض يوجعهم ولو الديه الحايدفعوها دي
*دية شنو يا زول
*البسوق بي تهور زي ديل بكون مؤمن يا اخوي
*تأمين شامل كامل
*لكن بالطريقه دي شركة التأمين ما بتفلس
*شركة التأمين بتطفش قريب ده
*قالوا اليومين دي مشت الامارات
*اي حادث تاني 
*من هناك بتلغي البوليصه وبتقول ليهم سوقوا هكرتكم دي براكم
*وبتمشي تفتح في الجنوب
*لكن
*محمد عبدالماجد اتجرس شديد
*ردح ,  ردح  , ردح
*الناس دي كلها قطع مصارينها
*كر علي يا ود امي
*الزول ده ادوهوا مويه تاني
*محمد عبدالماجد رفض 
*وقام علي الردحي
*تشطبوا لينا خليفه الزي فار المنشيه
*وتجيبوا لينا اطراف صناعيه ؟؟؟؟
*اسي بوتاكو وسيسيه 
*ما اطراف صناعيه ؟؟؟؟؟
*وووووب , ووووووب , وتاني وووووب
*اطراف صناعيه واطراف صناعيه
*والجايه الا نشتريه
*ولا نرجي الغضبه القويه
*يا شركة التأمين بتشتريه ؟
*ولا بتفكنا عكس الهواء وياها المحريه ؟
*وووووب علينا لو قال ما بشتريه
*والفرق كلها بقت قويه
*واحي احي احي
*وفييييييييييييييييييييييييط
*المرة دي مرق بيها بره الصيوان وتاني ما رجع
*ايها الناس
*ان تنصروا الله ينصركم
*اها
*نجي لي شمارات والي الخرتوم
*كان شفت يا والينا
*الليله من سيرة الجقر خلينا
*حكاية الباعوضه الحايمه فينا
*موش ممكن تكون خطر علي شوارعنا يا والينا
*الليل كلو حايمه فينا
*يمكن يوم نصحي  من النوم وربنا يحيينا
*نلقاها اكلت الزلط علينا
*ما تستبعد يا والينا
*وممكن الورل ياكل وزراة علينا
*وممكن التمساح فنادقنا يقرضها لينا
*وممكن الضبان لمباتنا يلحسها علينا
*والقرنبع اكيد اباريقنا بقرضها يا والينا
*باقي متخصص في الحته سنين وسنينا
*وكان قرض الاباريق شنو تاني الفضل لينا
*لكن الخوف يا والينا
*ام بعلو يا كلنا ومايفضل ليك شئ فينا
سلك كهربا
ننساك كيف والجقر الجمب القيف رجعنا لي قصة فاطمه السمحه والزرزور الاخضر ورويات الطيف ,,,,,يا لطييييييييييييف
والي لقاء
سلك
b_silik@hotmail.com