شكوى كبسور أكلوها الجقور .. بقلم: بارك سلك

بسم الله الرحمن الرحيم
في السلك
b_silik@hotmail.com
*القياس في الفقه يجوز
*ومرات بكون واجب
*ومرات بكون ضرورة
*وقس علي ذلك
*المريخ غلب الرابطه تلاته
*الخرطوم تعادل مع الهلال
*الرابطه غلبت الخرطوم
*لو داير تعمل مقارنة بين المريخ والهلال
*قس علي ذلك
*المريخ تعادل مع اهلي الخرطوم
*الهلال تعادل مع اهلي شندي تعادلا لايستحقه
*اهلي الخرطوم غلب اهلي شندي جوز
*وقس علي ذلك
*المريخ غلب مريخ كوستي
*الهلال غلب امل عطبره بخروج الروح
*المريخ كوستي غلب امل عطبره براحه
*وقس علي ذلك
*وطالما الموضوع كذلك
*حقوا يا روشا تقفلوا النادي وتقولوا اكلو الجقر
*المهم
*كذبة معسكر الفجيره انكشفت لجماهير الهلال
*لما شافوا بي عيونهم الحاصل
*قالوا حقو نعمل فاصل
*وبعدو نواصل
*لانو بالطريقه دي م بنقدر نواصل
*ايها الناس
*الاهله العقلاء كل امنياتهم ان لا يخرج الهلال من العشره الاوائل في الممتاز
*لانو المستوي الشفناهو ده
*صعب يخلي الهلال يضمن الدخول في العشره الاوائل
*افريقيا
*مهما اخطأ الحكام
*ولو جا الحكم حالق وماكل كبده وراكب الآكسنت القديمه
*وشايل بدل الصفاره غرفة الحقن كلها
*لايمكن ان يخطو ابو الهل افريقيا للامام بالحاله دي
*ولذا
*نأمل ان يتعامل الاهله بفهم مع الكارثه الجاتهم
*معسكر الفجيره طلع عش طيره
*اقل هواء بطير
*وتسجيلات القنابل طلعت ورتاب سنابل
*لايسمن ولا يغني من جوع
*والاعتراف بالفشل هو الخطوه الاولي للخروج من حفرة الفجيره
*ابو الهل تعبان
*قفلوهوا يا محمد عبدالماجد
*وقولوا اكلو الجقر
*ايها الناس
*محاولة معاكسة غارزتو لمنعه من السفر 
*كانت فرفرة ذبيح ساكت
*الراجل طالبكم قروش
*وداير حقو
*والمحكمه قالت ليهو تعال قابلنا
*يبقي اي مجهود لاعاقة سفر غرزه
*لا بلغي الدين ولا بحلو 
*ولوزان حاتحكم لغرزه
*وقريب خمسمية الف دولار ما هينه
*وهنا مربط الفرس
*يا يسردب الفرس ويدفعها
*يا يقول داير يشرك  الجماهير وهو ملتزم بي خمسه وعشرين في الميه
*يا يقطلع الوتد
*ويشتت
*ياروح ما بعدك روح
*يمشي الجنوب
*يبقي فرس الملكية جوبا
*ماعليهم ديون
*ولاعبنهم بجي منهم
*لابتاكوا زي بوتاكو
*ولا خذلتني يا كيبي يا حبيبي
*المهم
*فنيا ومهاريا وتكتيكيا واعداديا
*لاخوف علي المريخ من عزام
*التوازن الدفاعي 
*مع المرتدات في وجود الطيارات
*ناس بكري وعنكبه 
*هو سلاحنا لمعركة تنزانيا
*وصدقوني
*بكري بحسمها
*بمناسبة بكري
*الشكوي حصل فيها شنو يا كبسور ؟؟؟
*اكلوها الجقور ؟؟؟؟
*المهم
*شايف ناس الخليج دايرين ناس
*لايكفي مؤهل خريج
*لازم ماستر او دكتوراه
*يبقي راجع للقرايه يا عشايا
*ولن تقعدنا عبارة بعد ما شاب دخلوهوا الكتاب
*والكلام عن قراية الكبر ما مشكله
*قراية الكبر زي الحجامه
*بترجع الزول لي شبابو 
*وبحس بانو اتفكفك
*واحساس الفكفكه في بلدنا دي
*اعظم احساس تحس بيهو 
*واتحسسي بعدما ما تتفكفكي
*ايها الناس
*ان تنصروا الله ينصركم
*اها
*نجي لي شمارات والي الخرتوم
*كان شفت يا والينا
*الليبيين فتحوا لينا
*قالوا ماداير معانا ومافي زول يجينا
*والسعوديين والقطريين برضو فتحوا لينا
*فتحوا لينا انتدابات واغترابات وتعاقدات يا والينا
*اساتذة جامعات واطباء وعقول نيره خيرة من فينا
*يعني زي مزرعة الدواجن بالنسبه ليهم بقينا
*يعزلوا من وسطنا السمينه
*ويلفحوها يا والينا
*يقطع المزرعه ويقطع سنينا
*وكان دي الحاله يا والينا
*سمير مرض الجداد الشهير اريتو من اسي لي باكر يقرض فينا
*عشان البلد ما تقعد فاضيه مافيها ريشة سمينه يا والينا
سلك كهربا
ننساك كيف وكل الكوادر الفي القري والفي البنادر فحطت وقعدت المحنه فينا
والي لقاء
سلك
////////