قريتو في كاريكا !

بسم الله الرحمن الرحيم

 

في السلك

 

 

 

•        احمد خالد

•        اسم لايمكن نسيانه

•        طفل هلالي

•        عشق الكيان

•        صعد ليضع العلم علي سطح المنزل

•        وكان القدر حاضرا

•        انا اعزي نفسي قبل ان اعزي اسرته الصغيره في المنزل واسرته الكبيره كيان الاهله

•        اري في عيني اسلام احمد خالد

•        تصورت عشقه لهلاله كعشق اسلام للزعيم

•        تخيلت بسمته عند انتصار الهلال كبسمة اسلام الدائمه فرحا بانتصارات الزعيم

•        تألمت لفقده

•        ولاء الاطفال لايقدر بثمن لانه نابع عن صدق دواخلهم دون ادني فائده شخصيه

•        فقد الاهله احمد ولكن الفقد الاكبر لمجتمع الرياضه

•        اللهم تقبل احمد واجعله مخلدا في جناتك والهمنا واهله الصبر والسلوان

•        جيت داخل الحله بالليل يوم تخريج دفعة عزة السودان 13

•        لقيت ناس الحله كلهم في الشارع بتونسوا

•        كشافات الزعيم كانت مولعه

•        سلمت علي ناس الحله

•        قلت ليهم الليله مالكم في الشارع ؟

•        قالوا لي النور قاطع من العصر

•        قلت ليهم والله الوالي خلانا لابنعرف النور في ولا قاطع

•        واحد قال لي ده ضو القمر

•        قلت ليهو وضو القمر ده مالو ماقطع الزلط ؟ خايف من العربات ؟

•        الجماعه قالوا افتتاح استادهم قرب

•        ياربي بفتتحوهوا بالعصر ولا بغيروا الشمعات ديل ؟

•        النجيله لسه زي النعناع كل ربطه قايمه براها

•        المدرجات الشعبيه جنس جير

•        تدخل بنطلونك اسود تطلع حمار وادي

•        بالمناسبه ووووين الاسم ده

•        آخر مباراه اتلعبت في المقبره كانت ضد الجزائر

•        ومباراة الرد لسه ما اتلعبت

•        قبل الافتتاح امشوا الجزائر وتعالوا

•        ود الحله قالوا لسه عضلاتو مشدوده

•        قلنا ليكم ود حله مابقدر علي الجري ده ما صدقتوا

•        لعب ضدنا عشره دقايق راقد شهر ولسه مامعروف متين يقوم

•        سا 000 سا000

•        سموهوا  صا000 صا

•        عشان كل مايلعب جمهورهو بصفر

•        اخير كواريزما

•        اقرار بخطأ الاعاره وكواريزما ينزل الميدان

•        اخير من الجبتوهو ده

•        في افتتاح استاد الهلال كل واحد يجيب شمعه

•        عبد الكريم

•        حار جاف صيفا دافي ممطر شباكا

•        في صلاة الجمعه زي اللمحت شيخ امبيلي

•        انتوا الراجل ده قالوا ليهو الاسلام محرم الاهداف ولا شنو ؟

•        ولا شغال حب لاخيك ما تحب لنفسك

•        عشان كده ماشه مع كاريكا

•        اتنين مقيلين في البحر

•        واحد قال للتاني عمك الجاك اتوفي ياخ

•        التاني قال ليهو قريتو في كاريكا ؟ اقصد في الجريده

•        رحم الله شقيقة والي الدين واسكنها جنات الفردوس

•        مباراة نهائي دور الابطال في الشتاء

•        ودافي ممطرا شباكا شتاءا

•        والماعندو دافي في الشتاء يتدفي تحت بطانيه

•        قدم جمال للزعيم مالم يحلم به احد

•        وقدم الصفوه اميال من الصبر والمصابره والمناصره

•        اذا كان هناك اخفاق يكون في الدوائر المساعده واللاعبين

•        الحساب ياوالي

•        الحوافز يجب ان تكون بقدر العطاء لا حوافز يتساوي فيها الجميع عند النصر

•        كل زول ياخد قدر شغلو

 

سلك كهربا

               متين نرجع نضحك من جديد ؟

والي لقاء

سلك