ما معترفين بالانفصال ؟؟؟؟ .. بقلم: بابكر سلك

بسم الله الرحمن الرحيم
في السلك
*امس قريت انو الكاردينال قال
*جمعه للتسجيل من المطار
*وبجواز سوداني كمان
*الزول ده مامعترف بالانفصال ولا شنو ؟؟؟
*جواز سوداني شنو البتقول عليه ؟؟
*جواز صادر قبل الانفصال ولا بعد الانفصال ؟؟؟
*جنوبيون كتاااار عندهم جوازات سودانيه قبل الانفصال
*وعندهم وظائف سياديه قبل الانفصال
*وعندهم رتب عسكريه قياديه قبل الانفصال
*الحاجات دي شغاله لسه ولا انتهت فترة صلاحيتها يا زعيم امة الهلال ؟؟؟؟
*اذا كان لجمعه جواز سوداني قديم
*يبقي ما مجدد
*لانو من الانفصال لي اسي
*مرت سنين
*وعمر تجديد الجواز سنتين
*يبقي عندو جواز سوداني مامجدد ؟؟؟؟
*ولا عندو جواز سوداني جديد ؟؟؟؟
*لو جديد يبقي ما شغال لانو غير قانوني
*ولو قديم
*خللووووووووه
*يا كردنه
*البلد تطرد في اليوناميد
*وانت تلملم وتزيد ؟؟؟
*مرات يقولوا جمعه من ابيي
*وييي بليدنا وكلنا اخوان
*ده كان زمان
*بقينا جيران يا كردنه ما اخوان
*القانون قانون
*لو دايرين جمعه اعملوا استفتاء جديد
*ورجعوا الجنوب للشمال
*والشمال للجنوب
*ورددوا مع صلاح مصطفي
*مافي جنوب بدون شمال 
*مافي شمال بدون جنوب
*بعد داك تسجلوا جمعه
*ترجعوا سبت
*تتعاقدوا مع خميس
*ده ما شغلنا
*وللذين يقولون اننا كمريخاب مادايرن جمعه يحرس مرمي الهلال
*نقول ليهم ده وهم
*فاحلي انتصاراتنا علي ابو الهل
*محليا وافريقيا
*كانت في حضرت جمعه جينارو
*تلاتة ساكواها
*بتتذكروها؟؟
*وبعدين جمعه ده موش ياهو جمعه بتاع كورة اهلي شندي الفلقتوا فيها رجل الرايه ؟؟؟
*موش ياهو الجلاها من السنتر ؟
*موش ياهو الاتدردق في النجيله في الكنغو
*اول مرة اشوف زول بحاوروهو وهو راقد
*موش ياهو جمعه الثبت رمضان عجب كأساسب عندنا
*ماسوره
*لكن يسود القانون
*ولو غنيتوا منقو قل لاعاش من يفصلنا
*فصلنا وانفصلنا
*جمعه حارس مرمي منتخب دولة الجنوب الشقيقه
*ولا مامعترف بالانفصال يا كاردينال !!!!
*المهم
*قالوا المريخ يطارد الغزال حتي المطار
*الغزال للمطار ونفسو ماقام ؟؟؟
*ايها الناس
*كل الالقاب والرتب
*ممكن صاحبها يقدمها علي اسمه عند التعريف
*مثلا واحد عندو دكتوراه
اسمو احمد النور
*ممكن يقول دكتور احمد النور
*مثلا العقيد حسن التوم
*الفريق ناصر السيد
*وكيل عريف سليمان عبدالله
*الا لقب واحد
*الانسان ما بقدر يطلقوا علي نفسو
*لانو مابجيبو بي قرايه او وظيفه
*بتطلقو عليهو الناس
*لقب زعيم
*يعني الزعيم اسماعيل الازهري
*عمرو ماقال انا الزعيم اسماعيل الازهري
*برغم انو زعيم
*الزعيم الطيب عبدالله
*حصل يوم سمعتوهوا قال انا الزعيم الطيب عبدالله ؟؟؟
*قرابة التلتين سنه يخدم في الهلال
*وما اتجرأ وقال
*انا زعيم امة الهلال
*تعالوا شوفوا كردنه
*بعد خمسه شهور بس
*فيها تلاتة هزائم افريقيه 
*وهزيمة من المريخ ثلاثيه
*وفي حلقه واحده
*قال انا زعيم امة الهلال خمسه وعشرين مرة
*القصه دي
*زي زول في التعارف
*قول اسمو صلاح مثلا
*داير يعرف ليك نفسو
*يقول ليك الاخ صلاح
*معقولة ياخ !!!!
*امة شنو الببقي فيها الزول زعيم بعد خمسه شهور ؟؟؟
*خمسة شهور دي النطفه ما بتبقي جنين
*خليك تبقي زعيم
*ايها الناس
*مجلسنا ما بنسانا
*غايتو لو نسانا
*وماجاب لينا زي لاسانا
*يبقي الموسم ده الله معانا
*ايها الناس
*ان تنصروا الله ينصركم
*اها
*نجي لي شمارات والي الخرتوم
*كان شفت يا والينا
*اليومين دي في مسرحية بتعرض علينا
*اسمها عرفنا السرقونا
*ديل كانوا وين يا والينا ؟؟؟؟
*يادوبهم عرفوا ؟؟؟؟؟
سلك كهربا
ننساك كيف وناس المسرح يادوب عرفوا السرقونا
والي لقاء
سلك
*
b_silik@hotmail.com