محاكمة هيثم وكرامة المريخ .. بقلم: بابكر سلك

بسم الله الرحمن الرحيم
في السلك
*تأجل الفصل في شكوي المريخ
*لان هيثم غائب في الركائب
*سيدا سافر مع فريقو الجديد
*وسمعنا بان المريخ زاتو غاب
*لااعتقد ان المريخ قدم شكوي علي هيثم 
* الهدف منها الغرامه الماليه في المقام الاول
*ولكن القصه تكمن في الحفاظ علي كرامة المريخ
*وعلي حقوق المريخ ومن ضمنها الحقوق الادبيه
*هيثم حر كيف يتصرف
*وبالتأكيد ينصرف اليه تصرفه ويتحمل تبعاته
*لو تذكروا
*زماااان ايام تسجيل هيثم في المريخ
*كتب انو الزوجه بتتأدب في حياتها مرتين
*مرة في بيت ابوها
*ومره في بيت راجلها
*وقلت انو ادبها في بيت ابوها شفناهو
*الدور والباقي علي ادبها في بيت راجلها
*وتأدب هيثم بادب المريخ
*لان ماوجده من احترام في المريخ
*اجبره علي التأدب ولو لحين
*ثم بعد عام
*جاراتها في بيت ابوها تاني دقسوها
*ولكن الامر هنا لايمر مرور الكرام
*مجرد الطلاق هواجه في الاوقات دي
*طابله الطلاق من حقك
*ولو عندك سبب القانون والشرع كفلو ليك طلب التطليق
*ولكن كان ماعندك سبب
*قصة بيت الطاعه دي ما من الحكمه
*لكن ان تفدي نفسها يجوز شرعا
*وان نتمسك بالامتعه المنزليه من حقنا
*وان نثأر لكرامتنا من حقنا
*وان نشترط عودتها لبيت ابوها بالتوب العليها برضو من حقنا
*وان لا نتأسف علي خراب البيت لان سته بلغت من العمر ما يقطع العشم برضو من حقنا
*وان نجيب ست ستها برضو من حقنا
*لذا
*علي المجلس ان يتمسك وبقوة بحقوقنا الادبيه والماديه لدي هيثم مصطفي
*فمافعله هيثم بالاهله سبعطاشر سنه
*لم يثأر لهم شطبه من الكشوفات
*ومنهم من يصلي خمس اوقات
*ليبتهل الي الله عز وجل ويعود هيثم للهلال
*ولكن الرأي عندي
*البدعوا مع الصلوات الخمسه ديل
*لو مشوا عمره
*الباب ده اتقفل خلاص بالنسبه للهلال
*ايها الناس
*مايربط هيثم بالمريخ عقد وحقوق وواجبات
*المقصر يتحمل نتيجة تقصيرو
*واهمال المجلس لهذا الموضوع هو اهدار لمعاني كثيره يهمنا التمسك بها
*ولنثبت لانفسنا قبل الآخرين
*انو الادب في بيتنا صعب شديد
*نكرم من يستحق الاكرام
*ونسعي لكرامتنا مهما كلف ذلك الآخرين من خسائر
*طالما مسوا بتصرفاتهم تلك الكرامه الغاليه لدينا
*ايها الناس
*علي المجلس ان يقيف حيلو في هذا الموضوع ولا يجلس
*يكون واقف ويتخذ موقف
*موقف واضح جدا
*الامر ليس امرا خاصا بهم
*الامر امر يخصنا ككيان
*والكيان الذي فوضكم لادارة شئونه وحملكم الامانه
*يشدد عليكم في هذا الموضوع
*اقصي العقوبات واقساها
*المهم
*امس كان اليوبيل الفضي لكأس مانديلا
*تسعه اطناشر
*شوف الفرق يا مزمل
*ماذا تعني لنا تسعه اطناشر
*وماذا تعني لهم اتنين اطناشر
*فرق يا مزمل
*فرق السماء من الصفر 
*المهم
*كنت اتوقع احتفاليه كبيره ينظمها المجلس ابتهاجا باليوبيل الفضي لمانديلا
*ةاحتفالا بانه انجاز وصل ربع قرن من الزمان في عمره
*ولم يتجرأ احد علي تحقيقه
*وتكريما لجيل مانديلا
*ابطال يستحقون التكريم كل يوم
*ولكن المفاجأة كانت
*لا احتفال ولا يفرحون
*ويفرحون دي بالذات بتخلي الجماعه يحزنون
*وكنا دايرين نعلق لافته كبيره في نادينا
*نكتب عليها نادي يفرحون
*وشمال الزلط نخت لافته عليها سهم موجه شمالا
*نكتب عليها الي نادي يحزنون
*ولسه مافات شئ
*الاستاذ جعفر سعيد الريح اعد مسرحية رائعه تدور حول مسيرة المريخ الجويه
*وتأطر لمانيلا وتعطر سماء الانجاز والتاريخ
*كانت فقرة من فقرات المهرجان
*وستكون باذن الله كذلك
*مجلسنا الهمام
*يا كلفنا بالقيام بهذه الاحتفاليه 
*يا اسمح لينا نقوم بيها برانا
*دي حفلة ما بتتفوت
*الجماعه لو لقوا فرصه زي دي
*كان طلعوا الثريا  ومضوا عقد الرعايه مع روحهم
*ناسنا ديل من الحبه بسووا قبه
*زي الزول الولدو في امتحان الشهاده بجيب اربعين في الميه
*وبعمل ليهو بارتي
*ايها الناس
*ان تنصروا الله ينصركم
*اها 
*نجي لي شمارات والي الخرتوم
*كان شفت يا والينا
*بنتونس انا ومحمد يوسف ابكر من جهة الكلاكله البعدينا
*قلت ليهو الولد لقي شغل يا اخينا
*قال لي شغل وين لي زول ماعندو ضهرا فينا
*قلت ليهو الضهر ده بقدر علي الحجامه يوم تجينا 
*ولا بنسي القيامه الحاتقوم علينا
*ولا بحسي يوم الحساب ولد يقولوا لينا
سلك كهربا
ننساك كيف والحجامه بتمرق الدم الفاسد ,,,حتي الدم الفينا فسد يا والينا ؟؟؟؟
والي لقاء
سلك
b_silik@hotmail.com