من حقــو

بسم الله الرحمن الرحيم

في السلك

 

•       المعز يطلب حق اللجوء السياسي

•       وطالما كان المعز غير مرتااااح مع اهلو وتعبان ومفلس فمن حقو ان يطلب اللجوء السياسي

•       وحق اللجوء السياسي ليس بدعه ابتدعها المعز

•       ولكنه حق تعرفه القوانين الدوليه والاعراف والمواثيق

•       زول تعباااااان نجبروا علي البقاء لييييييييه محل التعب ؟

•       والزول اذا كان مامرتاح في محل وقافله  معاهو مابدفن روحو بالحياه ولكنه يبحث عن مكان آخر يعيش فيه مرتاح

•       ارض الله واسعه

•       وحتي الطير من اطراف تقيها شبع

•       دي بلادي

•       بلاد ناسا كان شطبوك يدفعوا ليك اكتر من البدفعوهو ليك ناس تانيين لو سجلوك

•       اللاعب يتسجل في الزعيم يفرح

•       لانو حايقبض كاااااش

•       اللاعب يتشطب من الزعيم يفرح

•       لانو حايقبض كااااااش

•       مافيش جرجره

•       وحق اللجوء السياسي حق معروف منذ القدم

•       لكن في ناس بطلبوهو من دول اخري ويدعوا انهم سياسيين ومعذبين في بلادهم

•       بالكضب سااااي

•       وتكون الحقيقه انهم مجارمه ومطلوبين للعداله في دولهم

•       وديل طبعا المعز ما منهم

•       والزول اذا لم يجد طريقه واسباب للجوء السياسي بهاجر

•       اهاجر ليك وين ما كنت

•       ولو الهجره صعبه بغترب

•       وآه من الزول لما يحس بغربه في بلدو

•       واحد قال لي حاتدوا المعز اتنين مليار ؟

•       قلت ليهو انشاء الله يقول داير اربعه مليار

•       قال لي ليه ؟

•       قلت ليهو عشان يشيل القروش ويفضي لينا محل شويه

•       من زحمة القروش ماعارفين نوديها وين

•       قال لي مطبعتكم بتاعت القروش دي ما بتقيف ؟

•       قلت ليهو موديلها كده

•       فيها مفتاح واحد ( اون ) تشغيل بس

•       من شغلناهو لي اسي بنفتش في مفتاح ( اوف ) قفل عشان تقيف ما لاقينوا

•       وضحكت

•       وقلت ليهو انتوا مكنتكم العامله ( اوف ) طول العمر دي جبتوها من وين ؟

•       ياناس اسمعوا مني النحدثكم

•       الوالي قال 000000 بجي

•       وانتوا عارفين الوالي لما يقول بجي

•       قودوين جا ؟

•       امس حلمان في نهائي افريقيا للانديه 2010 الشوط الاول لعب اكرم

•       والشوط التاني لعب الم000000

•       تميتوها ؟

•       وبس جات للم0000 ولعبها بايدو لكاسروكا , قام كسر ليهو اتنين وكسر من اتنين ومررها لحمد ميسي وحمد ميسي لموبوتو لوارقو لموبوتو لوارقو ( كوره سريعه موش ) لكلتشي وجوه

•       القون الرابع الذي اكد زعامة الزعيم لافريقيا

•       صحيت بازعاج شديد

•       لقيت محمد علي الهلالابي صاحب البقاله بصلح في برميل

•       ضحكت وقلت شكيتكم علي الله , حتي في النوم ما دايرننا ننجز ؟

•       طيب امسحوا انجازاتنا القديمه

•       لاعب مشوا ليهو ناس الزعيم

•       كان في ناس تانيين مراقبين ناس الزعيم

•       اصلهم ما بمشوا الا يباروا ناس الزعيم

•       ناس الزعيم قالوا للاعب بنديك ميه

•       اللاعب قال ليهم  موافق لكن الشيك مايرجع

•       قالوا ليهو انت مصعبها مالك ؟ نمشي نفتح حساب ونطلع دفتر شيكات ونكتب ليك شيك وتمسك الشيك لما تاريخو يجي , الموضوع ده طويل

•       قال ليهم انا لو مامسكت شيكي في يدي ما بوقع

•       قالوا ليهو انت مابي الكاش مالك

•       زولك وقع وقام 000ووقع وقام

•       قالوا بكره تجي الاتحاد وتجيب معاك شوال تشيل قروشك حتي توقع

•       ومشوا

•       طلعتهم بي جاي الناس التانيين دخلوا

•       قالوا ليهو ناس المريخ عرضوا عليك كم ؟

•       قال ليهم مية مليون

•       واحد منهم قال بالقديم ولا بالجديد ؟

•       التاني قال ليهو ناس المريخ ديل بالجديد يا حبه

•       قاموا قالوا للاعب الريس رسلنا ليك وقال ليك تجي معانا وبدفع ليك ضعف عرض ناس المريخ

•       الزول فرح ومشي معاهم للريس بتاعهم

•       لما وصلوا الريس قال ناس المريخ عرضوا كم ؟

•       قالوا ليهو مية مليون

•       قال وانا عند كلمتي حا اضاعف المبلغ  , شوف ياولد تشيل قروشك اسي وبكره تجي توقع

•       اللاعب فرح

•       الريس طلع مليون واداهو لللاعب

•       اللاعب قال ده شنو ؟

•       الريس قال ليهو اتفقنا بي ميتين , ده مليون والباقي لقدام

•       اللاعب قال الكلام ده مانافع معاي , انا داير كاش

•       الريس قال ليهو انت داير كاش قايل روحك داير تسجل في برشلونه ولا المريخ ولا مانشستر , الناسس دي كلها بتسجل كده , اسي مرض ام سادومبا وزعل المعز وزوغان علاء الدين ده كلو ليه ؟

•       اللاعب قال ماداير , وطلع مشي لناس المريخ

•       قالوا ليهو لما نعمل دفتر شيكات بنجيك

•       وزولك قال ليك اقرب صينية مرور ويكورك 000 الله يجازي الكان السبب 000 الله يجازي الكان السبب , عصفوره في اليد 00000

•       من حقو ان يلجأ لمن يوفر له حياه كريمه

 

سلك كهربا

                البيع بالتقسيط يقود للخساره لو كان المشتري لا يسدد الاقساط

                                                والي لقاء

                                                    سلك