التهجج … بقلم: بابكر سلك

بسم الله الرحمن الرحيم

في السلك

•    رمضان ياحليلو
•    مافضل فيهو شئ
•    انشاء الله ربنا يقبل
•    والنفوس تتسامي
•    وتصفي من الرواسب
•    المهم
•    التلفزيون صديق دائم للناس في رمضان
•    الملاحظ كل القنوات مركزه علي الاغنيات
•    غني شديد
•    اي زمان
•    اي مكان
•    ربه زي الربه
•    اسلام قاعده تتفرج معاي
•    الساعه اتنين صباحا
•    اي قناه نقلب ليها نلقي غنيه
•    اها
•    قامت قالت لي يابابا التهجج متين ؟
•    قلت ليها والله يابتي ياهو التهجج
•    وكت الغني للدرجه دي
•    اكيد الموضوع ببقي تهجج
•    ما تهجد
•    اللهم اهدينا للصراط المستقيم
•    الغني ما مابينوا
•    لكن لكل مقام مقال
•    وكتير ما حبابو
•    ياناس
•    رمضان له قدسيته
•    وطقوسه
•    يجب ان لانضيع الضرورات في امور اخري
•    رمضان فيهو حرمه
•    الرقابه الذاتيه هي التي تتحكم فينا
•    والتسامح هو ديدن الناس في شهر التسامح
•    حتي ناس المرور
•    في رمضان كانوا بوقفوا حملاتهم
•    اي زول فقير
•    عندو هكره
•    في رمضان بنفضها
•    ويمشي بيها في اعتي الشوارع
•    مطمئن جدا
•    مافي قطع ناشف
•    لكن الملاحظ في رمضان ده ناس المرور خلوا التسامح والسماح
•    قطع ناشف في اي ملف
•    وبالليل
•    مخالفات تهجد
•    معقوله !
•    المهم
•    عشرين تمرين في اليوم ياكروجر في اليوم
•    برضوا ما بتعمل شربات
•    في ناس التمارين ما بتطمر فيهم
•    وفي ناس بطاطيرهم ما بتمسك
•    قدر ما تشحنهم
•    يصفروا
•    ويقولوا ليك البطاريه ضعيفه
•    وفي ناس القدر هو السجلهم في المريخ
•    فخري يعيش
•    اه يا سباك يا كبير
•    مواسيرك كمان فيها مواسير بلاستيك
•    بتفتح عكس
•    عكسته حياتنا
•    تاني مافي سباك يا فخري
•    الشغل بالبلوتث
•    ياناس
•    اصر اصرارا شديدا علي كلامي
•    المشكله في الكبار
•    في اي كبير او عامل كبير
•    قرارات ثوريه تعيد الامور لنصابها
•    شبيبة القبائل تتذكروهوا ؟
•    الآن يتصدر مجموعه فيها الاهلي والاسماعيلي
•    عمل شنو ؟
•    كل العملوهوا قالوا مافي كبير علي النادي
•    شفع زي الشفع
•    جروا ليك بالناس
•    وجهجهوهم
•    التاريخ ليس سببا كافيا لبقاء لاعب بالكشف طالما كان الحاضر غير منتج
•    التكريم لمن اجاد سابقا
•    والتطهير لمن لم يقدم ولن يقدم
•    في اسماء كتيره قد اينعت
•    وحان قطافها
•    في الاداره
•    وفي كشف اللاعبين
•    وفي الدوائر المساعده
•    وفي المعارضه
•    كل المواقف تدركها الصفوه جيدا
•    ياناس
•    احكي ليكم موقف
•    الصفوه
•    مبارك من سيقا
•    لديه طفل دخل في غيبوبه ثلاثه اشهر ونصف
•    ربنا اراد اول امس ان يخرج الطفل من الغيبوبه
•    فتح عيونو للدنيا من جديد
•    دنيا غاب عنها ثلاثه اشهر ونصف
•    يشتاق اليها
•    وتشتاق له
•    اول مانطق به
•    بابا 000 المريخ كيف !
•    والله ده الحصل
•    ده حال طفل صفوه
•    هل يعلم اللاعبون بمواقف مثل هذه ؟
•    هل يفهمون معناها ؟
•    هل يحسون باطفالنا ؟
•    ياناس
•    لا تأخذكم رأفه
•    حفاظا علي اطفال الصفوه
•    انهم جيل باكر
•    حافظوا عليهم ليحملوا الرايه وهم فخورون بالانتماء لنادي لا يعرف الانكسار
•    ده جيل شنو ده ؟
•    ادعوا معي الله في هذا الشهر المبارك ان يمن بكامل الشفاء لابن المريخ وابن الاخ مبارك سيقا

سلك كهربا
                       ننساااااااااااااااااااك كيف بس !
والي لقاء
سلك
babikir maki [b_silik@hotmail.com]