سودانايل أول صحيفة سودانية رقمية تصدر من الخرطوم
بسم الله الرحمن الرحيم
في السلك
• حياة الانسان كلها مواقف
• ومن تلك المواقف مواقف طريفه
• واخري محرجه
• وكل منا له مواقفه الحياتيه
• انا شخصيا
• احرج موقف مربي كورة امس دي
• خلونا نسميها كوره مجازا
• موقف محرج
• مافيش احرج من كده
• نمشي وين ماعرفنا
• مستوي دون المستوي
• من وجهة نظري
• مع احترامي للساحلي
• ماشفنا فرق في اللياقه
• بين اولادنا تربية المعسكرات
• ومجهودات ويلي
• وبين اولاد الساحلي
• فنيا ماشفنا اي فرق بين كروجر الالماني الدولاري ومدرب الساحلي
• لمسات النفطي تؤكد كل يوم
• انه كان لاعب فنان جدا
• كان ياما كان
• الجانب الشمال في المريخ
• كلو
• موسي وطارق ومصعب
• رجل الخط البهناك زاتو معاهم
• ما حبابهم
• لم يقنعوا الشعار الذي ارتدوهوا
• رمزي برغم قلة الاختبارات
• كان جيدا
• ومطمئنا
• نجم الدين بدأ جيدا
• سرعان ما لحق الجماعه
• اما خط الوسط
• باكمله
• حتي راجي
• كلهم
• عدا سعيد السعودي
• كانوا لافين ساااي
• لافين شنو !
• كانوا واقفين ساااااي
• قلق
• في حاجه الزول ده ماعارفها
• نحنا ماعندنا وقت للمستوي الطالع ونازل
• سفاري
• ممكن نقول بدأ يثبت
• نأمل ان يستمر المشوار
• ياناس
• بصراحه
• عندنا ناس مستواهم مازي مستوانا
• وما حبابهم
• ما بجي منهم
• الله يجيب شهر اطناشر
• جمال ابو عنجه
• بصراحه
• ماشفنا تغيير في مستوي الحماسه والغيره
• اوعه تكون حصلت عليك قصة الخواجه
• الخواجه الجابو العمده عشان يعلم ولدو انجليزي
• وقاموا قفلوهوا مع الولد في غرفه
• تلاته شهور
• ولما فتحوا الباب بعد التلاته شهور
• العمده قال لي ولدو
• انشاء الله عرفت الانجليزي
• نطه الخواجه
• قال للعمده
• باقي لي كان لقالو تلاته شهور تاني بتعلم الانجليزي
• اثروا فيك ولا شنو يا كوتش
• ياناس
• ايها الناس
• المغطغط ما حبابو
• اخير الواضح حتي لو كان فاضح
• لانو الواضح حتي لو كان فاضح مافاضح
• عشان كده
• ما اظن في خساره نخسرها اكتر من الخسرناها
• عشان نعدل الخطوه
• ناس كتاااااااااااااار ما حبابهم
• نقولها عديييييييل
• عشان شهر اطناشر يلملموا عفشهم
• وكتر خيرهم
• اها
• عندنا اهلنا عازمننا كرامه
• قالوا ضابحين
• ضربوا لينا
• اكدوا لينا الكرامه والضبيحه وسمعونا صوت الخروف
• تاني يوم شاي الصباح ما شربناهوا
• مشينا الساعه حداشر
• كنا معزومين غدا
• مويه ساي ما شربناها
• الحكايه فيها خروف
• خروف في هذه الظروف
• نتجوغر مويه في شنو
• صلينا الجمعه
• ورجعنا بيت الكرامه تاني
• نسمع صوت رجلين نمطق
• يدخل واحد من ناس البيت شايل جك مويه
• نسمع صوت رجلين نكفكف الاكمام
• يدخل واحد تاني من ناس البيت يجيب مخده
• تقول عازمننا رقاد
• لعبوا باعصابنا للساعه اربعه
• بعد داك الغدا جا
• سلطات سااااااااي
• وفي النص صحن فيهو (لحيمه )من السلسله
• قمت برااااحه
• وحلفت علي زول يقعد
• قلت الصينيه الجايه بكون فيها ضلع كبييييييير
• كراع خروف كامله
• وهكذا حتي آخر الصواني
• كلها سلطات وضهر في النص بس
• اتلفت علي طلال ( سيد المناسبه )
• قلت ليهو ياطلال ولا كراع خروف مافي انتوا ضابحين دبيب !
سلك كهربا
حتي لو نسيناك الشفناهوا امس ده بذكرنا بيك
والي لقاء
سلك
babikir maki [b_silik@hotmail.com]
