بسم الله الرحمن الرحيم
في السلك
الحوثيون 3 /1000
*الحسد معروف ووارد وصعب شديد
*ربنا سبحانه وتعالي ذكره
*من شر حاسد اذا حسد
*شر الحاسد شر شديد
*بره وبعيد
*والذي يحسد الناس هو الانسان الذي يتفكر في حال الناس
*ويستكثر عليهم ما قسمه الله اليهم من نعم
*ويتمني كل نعم العالم لشخصه الضعيف بحسده
*لذا
*لايحسد سيد الشئ الناس
*يعني ماممكن مثلا كردنه يحسد روشا علي مالو
*لكن ممكن يحسد جيمي
*النعمه هنا اوسع واشمل واكبر واعرق
*وزمان قالوا جمال سألوهو
*قروشك كم ؟؟ظ
*قال ليهم قبل السؤال ولا بعد السؤال !!!!
*الزول المتزن لما يشوف نعمة غيرو بقول ماشاء الله
*الله يزيدو
*وفي ناس بقولوا الله يزيدو ويدينا
*وفي ناس بقولوا الاداهو بالكوريك يدينا بالكردنه
*اقصد بالملعقه
*وفي ناس طبعا ادوهم بالقلاب ما بالكوريك
*الكوريك صغير
*نعم الله ينعم بها علي من يشاء من عباده
*المهم
*وصلنا الي انو الزول بحسد الناس في العندهم وما عندو
*يعني نحنا كاصحاب قلعه حمراء فيها طابقين ماممكن وما ممنجن نحسد زول يادوبك بكسر
*حلك لما يكسر
*ويقومن ليهو سنينات
*واييييييييييييييك
*ضرس العقل داير عمر
*نحنا كمريخاب بشرفنا جدا قيام استاد ثاني مشرف بالسودان
*لانو قصة الاستاد الوحيد المشرف دي
*برغم انها اسعدتنا الا انها ارهقتنا شويه
*دايرين نخفف الضغط علي القلعه الحمراء
*يعني تخاريج القوات النظاميه واحتفالات البلاد تتحول شويه مننا
*قلعتنا هي ديوان البلد دي
*اي ضيف لازم نجيبو يشوفها
*قربنا نقول للضيوف نديكم بارد ولا نفرجكم في استاد المريخ
*ولن ننسي مدح معلق الجزيرة للقلعة الحمراء يوم فاصلة مصر والجزائر
*ولن ننسي تغزل الشوالي فيها يوم علق علي مباراة لتونس بالشان
*لما اتلعبت عندنا
*كان بقول ان شاء الله تونس تغلب عشان تتأهل وتلعب بالقلعه الحمراء
*ياخ اول يوم التلفزيون ينقل مباراة بعد افتتاح القلعه الحمراء
*في ناس كانوا قايلين الكورة دي في الدوري الاسباني
*وخلال فترة تشييد القلعه الحمراء
*تشرف الشعب السوداني بالفرجه
*الناس كانوا بجوا العصر
*جماعات ومجموعات
*بعملوا رحله للفرجه علي القلعه الحمراء
*يبقي زول بالوصف ده ما بحسد زول يادوبك فكر في الوصف ده
*وسنظل الاستاد الوحيد المشرف في البلد دي
*الي ان يجعل الله امرا كان مفعولا
*لكن الاربعين مليار بي جنيه شبشه
*مابتسوي جبنه خليك من جوهره
*اسأل مجرب
*المهم
*ردا علي العزيز صلاح الحويج
*الذي قال ان الاعلام الهلالي قد رحب بالاستاد الجديد للمريخ
*ياصلاح يا اخوي
*اعلام هلالي بتاع الهلال السعودي ولا بتاع وين الرحب بالقلعه الحمراء ده ؟؟؟
*الترحيب ده ما شفناهو في الاعلام المرئي ولا المسموع ولا قريناهو في الاعلام المكتوب
*يكون ياربي ترحيبكم ده كنتوا خاتنوا في الصامت ؟؟؟
*ياصلاح يا اخوي شمت الاعلام الهلالي وبخس لنا قلعتنا
*بل وقالوا ان الطابق التاني سيطير
*وهللوا لقول المهندس مسكين الذي منع تركيب المظله علي المقصوره
*بل ونصبوهوا بطلا والارشيف يشهد
*بل واستغلوا تدافع اهالي الخريجين في احدي البوابات
*وكتبوا استاد المريخ ينهار علي اسر الخريجين
*ياتو اعلام الرحب ده يا صلاح !!!!!
*الصرف الموجود باستاد المريخ افضل من الصراف الالي
*وبعد ده اعلام الهلال بقول استاد المريخ غرق
*ده ترحيب برضو ؟؟؟
*ياصلاح قال ليك ايام خليل ابراهيم ديك
*هلالابي قالبلوها ناس خليل
*قالوا ليهو الاذاعه وين
*وصف ليهم استاد المريخ
*ده ترحيب ولا حساده عدييييييييييل كده !!!
*صلاح يا اخوي
*لما بنينا قلعتنا كانت فريده وكنا محسودين
*الليله مافي شئ بخليكم محسودين
*حتي ولو نفذتوا الجوهره (الزرغاء)
*لانه لا يحسد االناس الا فاقد الشئ الذي يستمتع به الناس
*ونحمد الله طوابقنا تتطاقش
*المهم
*قالوا هلالابي خال فاطنه ما مصدق كردنه
*قالوا ليهو هلالاب من اولاد فاطنه كردنه داير يبني الجوهره
*خال فاطنه قال يجوز
*اولاد فاطنه قالوا ليهو داير يكسر
*خال فاطنه قال ليهم الا دي
*لو داير يبني بره بره يبني
*لكن كسير لأ
*نحنا لي اسي تعبانين من كسير المورده وكسير التلج
*كمان داير يكسر لينا قدر العندنا !!!
*الزول ده قول ليهو كسير لأ
*العب بره بره
*ايها الناس
*الاهله منقسمون بين خيلان فاطنه واولاد فاطنه
*ولكن كفة خيلان فاطنه بترجح
*لانهم هم الكبار والعاقلين والعارفين
*ولانو الاربعين مليون كشافات نورها طويل وقصير ما بتجيبها
*الا كان صينيه
*تولع بنق
*وتحرق و الناس في الصف
*بالمناسبه بتاعت اللمبه دي
*قال ليك بتاع بحر جاي من شهر العسل
*باقي حنتو في اضافرينو
*قالوا ليهو صف لنا العروس السودانيه
*قال ليهم العروس السودانيه زي اللمبه الصينيه
*جديده تولع بنققققققققققق
*وتحرق سريع
*ايها الناس
*غادرت بعثتنا صباح اليوم
*لم تغادر الا كي لاتغادر
*كي تتأهل
*السنه دي شامي لي ريحة مطار
*محمد عبدالماجد اسي الدخلك في ريحة المطار شنو ؟؟
*المطار شميتوهوا متين عشان تعرفوا ريحتو ؟؟؟
*دي ريحه بنعرفها نحنا يا ابو حميد
*ارجونا مع امجاد جمب جاد واتفرجوا
*لكن السنه دي ريحتنا مطار مطار يا عمك
*ايها الناس
*الرصاصات الفشنك بتاعت هنا
*قالوا ملوها كلها بارود حي
*اعملوا ساتر
*ايها الناس
*علمتني امي
*وقالت لي
*طالما الارزاق بيد الله كسير التلج للرجال لزومو شنو ؟؟؟؟
*ايها الناس
*ان تنصروا الله ينصركم
*اها
*نجي لي شمارات والي الخرتوم
*كان شفت يا والينا
*في حاجه اليومين دي مضايقانا
*ايا كان موقف الزول من الحكومه او من الاجزخانه
*حقو الوطن يكون محفوظ بعيد في خانه
*مافي داعي للتريقه علي امكانياتنا وابنائنا
*و ايا كان موقفنا من الحكومه او من الاجزخانه
*اقدم رئيس عربي هو رئيسنا الحدانا
*يعني الكابتنيه حقتو بدون زول يتنافس معانا
*والخبرات برضك بتفرز الناس يا والينا
*عشان كده حقو ما نتتريق علي طائراتنا وجنودنا وكل منانا
*انو الحوثيين يرجعوا للشمل من جديد ويبقوا معانا
*كفانا معاناه
سلك كهربا
ننساك كيف واقدم رئيس في الوطن العربي حقنا
والي لقاء
سلك
b_silik@hotmail.com
