قاعدة عدم رجعية القوانين

بسم الله الرحمن الرحيم
في السلك

*حزنا والله شديد
*حزنا علي خروج اولمبينا
*الغريبه مدرب تونس اعلن انه حايتأهل من الابيض
*قالها بالحرف الواحد
*سأهزم السوداني بالابيض
*الزول ده ما حاوي
*ولا بتاع رمل
*لكن بعد مشاهدته للفريق السوداني عرف انو حايغلب برااااحه
*لان مدرب تونس ضليع
*خبرات وشهادات واشياء كتيره
*وهنا كان الشوط التاني
*وهو شوط المدربين
*فكان النجاح لمدرب اشطر
*لا نلوم الديبه ومحسن
*ياها قدرتهما
*ولا نلوم اللاعبين
*ياها عرفتهم
*وكي نطلع من التجربه كسبانين ما خسرانين
*يجب ان ندرس الموقف جيدا
*وان نقتنع بان لاعب الكرة كلما صغر سنه ومرحلته
*يحتاج لمدرب اكثر خبره ودرايه
*وبعد اكتمال عوده في ظل تدريب رهيب ومؤهل
*ممكن بعد كده نرفع معه مدرب في مستوي التدريب الذي تلقاه حينما كان بمراحل اللعب السنيه
*فكان ممكن جدا
*ان يكون المدير الفني لاولمبينا خبير كبير
*ومحسن والديبه يساعدوهوا
*منها يستفيدوا ويزيدوا تأهيل
*ومنها نضمن المضي في المنافسات قدما
*ومنها يستفيد النشئ من حصص تدريبيه نافعه
*تكمل كل اساسياتهم للعب الكرة
*الفات مات
*وكتر خير الوزاره والاتحاد ومولانا احمد هرون  ومحسن والديبه واللعيبه
*ياها قدرتهم
*المهم
*في ناس فالقننا اليومين دي
*قالوا الفيفا حايطلع قانون حول تسجيل اللاعبين
*وحايدي اتحادنا صورة منو
*وبالقانون ده بقيف بكري المدينه
*لانو القانون الجديد بعترف بالعقودات الفي البيوت
*التقول عقد عرس
*عقد الزواج البتم في البيت ما قدام المأذون
*بجبرك تمشي المأذون عشان تطلع القسيمه
*يعني اجراء وجود المأذون الشكلي ده اجراء مهم جدا
*ولا قسيمه مافي
*ايها الناس
*الكلام الفارغ كتير
*كتير جدا
*والجهل بالقانون مشكله كبيره
*وهناك مبدأ قانوني يقول
*الجهل بالقانون ليس عذرا
*ومبادئ القانون كتيره
*منها قاعدة  بتقول
*عدم رجعية القوانين
*يعني ينتج القانون اثره بعد اكتمال مراحل سنه ونشره بالجريده الرسميه
*ولا يطبق القانون باثر رجعي
*والحته دي مهمه جدا اذا استصحبنا مبدأ الشرعيه
*ومبدأ الشرعيه يقول
*لا جريمه ولا عقوبه الا بنص
*يعني لو دخنت سجاره في بص مثلا
*ولم يكن وقتها هناك نص يجرم ذلك الفعل
*فان فعلك لا يعتبر جريمه
*برغم انه يمكن ان يكون مخالف لقواعد الاخلاق والذوق
*ولكنه ليس بجريمه
*فبصدور قانون يمنع التدخين في المركبات العامه
*ويعتبرها جريمه ويعاقب عليها
*هنا تدخينك داخل المركبه العامه يعتبر جريمه اذا وقع بعد ان اصبح القانون ساريا
*ولكن لا يحق للسلطه العامه ان تقبض عليك بتهمة التدخين داخل مركبه عامه قبل سريان القانون
*يعني يقولوا ليك قبل تلاته سنين انت شربت سجاره في البص
*الليله الفعل ده بقي مجرم
*لذلك نحاكمك علي فعلك داااااااك
*يبقي
*اذا اصدرت الفيفا قانون ملزم للاتحادات حول التسجيلات
*واعتمدت فيهو التسجيل بالعقد الخارج اروقة الاتحاد
*الكلام ده ما بخص بكرينا
*ومن الليله انا ما بقول بكري المدينه
*طويله بكري المدينه دي
*بقول بكرينا
*المهم انو القانون ما بخص بكرينا
*يطبق علي الحالات البتحصل بعد سريان القانون
*ولكن الملاحظ ان قاعدة عدم الرجعيه يرد عليها استثناء
*ويعرف ذلك الاستثناء عند اهل القانون
*بالقانون الاصلح  للمتهم
*ودي كيف ؟
*اوريكم
*قانون ساري يعاقب علي تسبيب الاذي بالغرامه
*وقعت المخالفه في وقت سريان ذلك القانون
*واثناء المحاكمه وقبل صدور الحكم البات (بات دي دايره شرح , نشرحها في مرة جايه بعد تسجيل المريخ لاطهر الطاهر )
*صدر قانون جديد يعاقب علي نفس الجريمه بالجلد مثلا
*في هذه الحاله
*تفاضل المحكمه بين القانون القديم الذي وقعت الجريمه في ولايته
*والقانون الجديد الذي صدر بعد وقوع الجريمه
*والمفاضله تكون اي القانونيين اصلح للمتهم
*ودي الحاله الوحيده التي تمثل استثناءا علي قاعدة عدم رجعية القوانين
*اي القاعده التي تقول بعدم تطبيق القانون باثر رجعي
*والافضليه تختلف من متهم وآخر
* وفي بعض المرات نجد قانون هبط بالحد الادني للعقوبه ولكنه صعد بالحد الاعلي للعقوبه
*والقانون التاني صعد بالحد الادني للعقوبه ولكنه هبط بالحد الاعلي
*يعني القانون الاول قال السجن من شهر لي اربعه سنين
*والقانون التاني قال السجن من سنه لي سنتين
*هنا القانون الافضل للمتهم يكون بالنظر الي حالة المتهم
*اذا كان جديرا بتخفيف العقاب
*فان القانون الاصلح له هو ماهبط بالحد الادني للعقوبه ولو ارتفع بالحد الاقصي
*وان كان جديرا بتشديد العقاب
*فان القانون الاصلح له هو ماهبط بالحد الاقصي للعقوبه ولو ارتفع بالحد الادني لها
*لانه لامجال لتطبيق الحد الادني عليه طالما كان جديرا بتشديد العقاب
*فهمتوا يا الهمتوا وحلمتوا وقلتوا قانون الفيفا الجديد حايبطل تسجيل بكرينا للمريخ ؟؟؟؟
*محاضره مجانيه نحتسب ثوابها عند الله
*ايها الناس
*ان تنصروا الله ينصركم
*اها
*نجي لي شمارات والي الخرتوم
*كان شفت يا والينا
*قالوا من فساد الدول الحولينا
*حاجات بتخلي الحيرة تسكن فينا
*تصدق يا والينا
*في نيجيريا قالوا ممكن زول يأجر وزارة ويقابل فيها من الاجانب  المستثمرينا
*وبعد توقيع العقودات وقبض السمينه
*ينزل صورتو ويشيل غنيمتو ويضحك علينا
*ويكون الوزير الحقيقي  يا والينا
*في زيارة تفقديه لاي مدينه
* الموضوع ده برنجع ليهو يا والينا
سلك كهربا
ننساك كيف وفي نيجيريا الوزارات بتتأجر مفروش يا اخينا
والي لقاء
سلك
b_silik@hotmail.com