بسم الله الرحمن الرحيم
في السلك
*ايها الناس
*في كلام حول نجاح وفشل اعداد المريخ
*المسأله دي بحددها الجهاز الفني
*وطالما الجهاز الفني لم يصرح بالفشل
*يبقي علي الاقل مقتنع بالاعداد
*والمسأله مسأله اعداد للياقه البدنيه
*واعداد للتكتيكات
*واعداد للانسجام
*واعداد حتي للروح التي يؤدي بها الفريق
*نستبشر خيرا
*فزمن المعسكر بين مصر وقطر يكفي للاعداد
*وعدم فشل ولا تمرين من التمارين التي طالب بها الجهاز الفني يكفي للنجاح
*وما سمعناهوا من شفوت قطر حول الاداء امام شالكا يطمئن
*يبقي الدور والباقي علينا
*دور ثبات وتشجيع وثقة في ناسنا
*اذا كان ناس قريعتي راحت
*بفرحوا بي معسكر في الفجيره
*واصابات بالجمله
*وهزيمة دفعة آل نهيان
*منتخب فيهو خمسه خلوا الكورة قبل خمسه سنين
*ده كلو طبعا رفع معنويات ساي
*ومحاولة فاشله منهم لقتل الروح المعنويه والثقه في نفوس الشفوت
*وحركات زي دي طبعا ما بتفوت علينا
*معسكرنا بحمد الله يخلو من كشف الاصابات
*وهم باقيهم لسه في العلاج هناك
*عنبر عظام كان معسكر الفجيره
*لذا ولذلك
*نخت الرحمن في قلوبنا
*ونلتف حول فريقنا لنستمتع بموسم ناجح
*واللهم لا شماته
*نعاين للجماعه ونسكت ساااااااي
*المهم
*نتاج فشل معسكر الفجيره ظهرت في ماكتبه الرائع خالد عز الدين امس
*خالد قال
*يا يلغوا كورة الاستقلال ويلعبوا كورة شندي
*يا يلغوا كورة شندي لي بعد الدوري ويلعبوا كورة الاستقلال
*وقال هزيمة الهلال منالمريخ واهلي شندي
*بتقوم الدنيا
*عشان جمهور الهلال ما بتحمل الهزيمه
*ده طبعا اعتراف منو بفشل الاعداد الذي شاهده بام عينه
*وقالوا كمان ما صدق
*ملص النضاره
*لقي الحال في حالو
*لبس النضاره لقي نفس الحال
*ياخالد
*لا كورة الاستقلال بتتأجل
*ولا كورة شندي بتأجل
*وشيلوا شيلتكم
*جماهيركم اصلها بعد القون التاني بتطقع
*اخير تعرف حال فريقها من بداية الموسم
*عشان كردنه يعرف راسو من رجلينو
*ايها الناس
*روشا ضحكني شديد
*كتب امس
*فريق تستقبله الجحافل الهادره والجماهير الكثيفه وفريق يستقبله الزمهرير
*يا روشا
*رايح ليكم مطار ساي
*حلاوه مطار
*لانكم ما بتمشوا للمطار اطلاقا
*لاعملتوها ولا بتعملوها
*وفريقكم جاي من اعداد
*يعني تستقبل ليك فريق جاي من اعداد
*زي الاستقبلت ليك زول جاي من العلاج
*نحنا لما نمشي المطار بنرفع كاس
*انتوا رفعتوا شنو ؟؟؟
*رفعتوا السيستم
*ولا رفع معنويات سااااي
*والله العظيم وكتبابه الكريم
*في مريخابي كان في المطار لاستقبال قريب ليهو
*ساق معاهو ولدو صغيييييييييييير
*الولد معتاد لما يشوف اعلام المريخ في المطار
*معناها المريخ جاب كاس
*قام شاف اعلام عصمت في المطار
*والله العظيم ولدو قال ليهو يا بابا الهلال جاب كاس ؟؟؟
*ابوهو قال ليهو امشي اسألأ عمك داااااك
*واشار له علي رمز من رموز التشجيع في الهلال
*الشافع سأل الرمز
*الراجل لي اسي غالبوا يجاوب
*احرجتونا مع الاجيال الجديده
*تعرف يا روشا
*استقبالكم ده
*زي الزول الجاب سبعه وتلاتين وخمسه من عشره في امتحان الشهاده
*اهلوا عملوا (بارتي )
*وزي الزول القالوا اهلوا يضربوا في الرصاص
*طاخ …طيييييييييخ ….طااااااااخ
*طوووووووووووووووووخ
*جارهم بتاع بحر سألهم
*خير ياناس مالكم ؟
*قلوا ليهو طارق ولدنا نجح
*قال ليهم جاب كم ؟؟؟
*قالوا ليهو جاب خمسين في الميه
*قال ليهم والرصاص ده كلو وماقدرتوا تنيشوهوا لي اسي ؟؟؟؟
*ضحكتوا فينا الناس ياروشا
*المهم
*روشا ماسك في حكاية عبدالصمد قال شالكا الايطالي
*وروشا في عمودو كاتب في نفس العدد
*الطوفان قالت انها اضافت عدد مائة فرد جديد ( لجحفالها ) ستفاجئ بهم الهلالاب علي (المدلاجات )
*فطالما لجحافلها بقت (لجحفالها ) والمدرجات بقت (المدلاجات )
*يبقي شالكا ممكن يبقي ايطالي
*اقرب لي ايطاليا من المدلالجات
*ولا تكون بقيت الجن يا روشا
*دول صباح الحيل
*ايها الناس
*ان تنصروا الله ينصركم
*اها
*نجي لي شمارات والي الخرتوم
*كان شفت يا والينا
*العندو مال محيرو
*بشتري بيهو حمام يطيرو
*ماشفت كردنه كيف مالو محيرو
سلك كهربا
ننساك كيف وفي اتلشتاء والصيف نسبح يا لطيف يا لطيف
والي لقاء
سلك
b_silik@hotmail.com
