يا شَـــعب البَلَد هَل حقيــقة إِنتَ ضَلَلْتَ
زَاد صَمتـَك عَلي الحَاصِل مِنْ حَولَك إتبَكَّمْتَ
شَايِفْ البِنَاصِح فِيك وإِعِيدْ الكَرَّه ليهُ إِنْتَ كِرِهْتَ
البِكِيْد لَكْ تَمشِيلُو راسَكْ واطِي مَاكَ هَجَرْتَ
شَيَاطِين إنْسَك إتلَمُّو يِقِسْمُوا الكيكَه مَاكْ شُـفْتَ
سَايقِنَّك ذي قَطِيع الضَان هِنااك لَامِنْ ضِعتَ
غريبه ناس الرصَّه ما شايفنَّك إتجَهْجَهْتَ
مِن سُقُوط أَبْ رَقْصَه العَدو بِحْفِر وإِنْتَ مَا اتشتَّتَ
لمَّا سَقَطَت كُنت مُتْيقِّن تمام إنَّك لي البُنَا إتشَــمَّرتَ
للإنتاج بِجِد و ترتيب الصُفُوف في اللَّه إتْوسَّمْتَ
بس إداره الثورة فَشَلَت وإنتَ يا شعبِ ما أتْلَوَّمتَ
وياحمدوك بأمر العدو الإستفاد من خيرنا إتلَجَّمْتَ
بِيَد حركات الوهم و ساسة السجم يا شعبنا إتشتَّتَ
قُوم شَعبِ أصحي مد الخطوة شِد حيلَك شَايفَك إتنفَّضت
ما تَرجَي زول كايس مَصَالحوا مَا هَمَّاهُو إنَّك ضِعتَ
معاك جيلاََ راكب راس أبْشِر بالنَّجاح و مَاك فشلت
مِنْ حَولَك السَّانَات بنين وبنات ما ظَنّيتَك إِتْفَشّلتَ
إسماعيل الشريف
22 يوليو 2020
/////////////////////
