بسم الله الرحمن الرحيم في السلك *مواقف يشهد لها التاريخ *تبقي في ذاكرة الزمن الي ان يرث الله الارض *منها في التاريخ الحديث *عبور خط بارليف *كذبة الصهاينه التي تكشفت واخجلتهم *حكاية خط بارليف دي اتذكرتها يوم قون راجي *ماقون راجي التاني البعد قون هنو *قون راجي التالت البعد قون ايمن المصري *خط بارليف كلو واقف جوه خط طمنطاشر *فعبرت كرة ايمن تحت اقدامهم جميعا *ووصلت راجي *لتعبر كرة راجي تحت اقدامهم جميعا *وانكشفت الكذبه *خط بارليف قاعد سااااي *وولجت الكرة الشباك *وسقط من سقط من الضحايا *داخل خط طمنطاشر وعلي المدرجات *المهم *بمناسبة خط بارليف والصهاينه *سجل التاريخ ايضا شفتنة المخابرات المصريه *ووثق لها من خلال عمل درامي ضخم *نال اعجاب الناس جميعا *لدرجة ان العمل الذي كان مسلسلا *كان الناس يستأجرون اشرطة الفيديو لمتابعته *وبعضهم اشتري المجموعه لمشاهدته مرات ومرات *قصة المسلسل كانت تحكي عن زرع المخابرات المصريه لمصري وسط الزخم الصهيوني *انه الفنان محمود عبدالعزيز *افي مسلسل رأفت الهجان *رأفت الهجان كان محمود عبدالعزيز *ولدواعي المخابرات كان له اسماء حركيه حس قصة المسلسل *ماجي تورس *ياكوف بنيامين حنانيا وليفي كوهين وديفيد شارل سمحون *وكانت له حبيبته الصهيونيه التي سمي وكالة السفر الخاصه به باسمها *ماجي *الوكالة اسمها ماجي تورس *اسماء كثيرة لشخوص المسلسل لسه في الذاكرة *ضابط المخابرات المصري قام بالدور يوسف شعبان *سوسو ليفي خواجه *ميسو صروف السيد راضي ( انطونيو ) مسؤل الامن الاسرائيلي *عامون بن أهارون (الاعلام الاسرائيلي ) *الوف بخور شتريط (ضباط جيش الدفاع الاسرائليي ) *رئيس المخابرات وقتها كان شريف والي (صلاح ذو الفقار) *وكان رأفت الهجان عندما يريد ان يرسل معلومات لمصر *يذهب الي لندن *الوكت داك مافي واتساب *التاريخ يعيد نفسه *فكتبت احدي الصحف الهلاليه ان الكاردينال شفت *ومعروف ان الشفوت لفظ يطلق علي جمهور المريخ *ومفردهم شفت *وصدقت الصحيفه الهلاليه بوصفها كردنه بالشفت *هذا تأكيد علي مريخية الرجل *يعني نحنا الزارعنو هناك *نرجع للمسلسل *رأفت الهجان زراعه مصريه في الاراضي الصهيونيه *واشرف الهجان زراعه مريخيه في الاراضي الهلاليه *رأفت برسل الاخبار لي مصر من لندن *واشرف بمشي لندن كتيييييييييير *اشرف مشي لندن بي جاي *بكري جانا بي جاي *ماجي كانت مقربه لرأفت الهجان *واظنها كانت الناطق بتاعو *وماجي اسم عبري شائع *ترجمته بالعربي بالضبط ماعارفها *لكن زي اسم فاطنه كده عندنا *لكن سوسو ليفي خواجه دي قوقل ماقدر يترجمها *بس السيد راضي الذي قام بدور انطونيو *راضي دي بتشبه لي رمضان *صروف ده طبعا في مجتمع الاهله مافي *زول بصرف عندهم عشان نسميهو صروف مافي *صروف في البلد دي واحد ومعروف * اما عامون بن اهارون * وهو من الاعلام الصهيني *اهارون واعلامي *دي مادايره ليها قوقل *دي واضحه بالعربي والعبري *اسي عربي وعبري فرقفهم شنو غير الترتيب !!! *اهارون بدون قوقل هو خالد عزالدين هارون *اما ضابط الدفاع الصهيوني *الوف بخور شتريط *ده لقيناهو في قوقل *من كتبنا بخور قوقل عرفها طوالي *قال لينا الوف بخور شتريط ترجمتها *زي ما التقول الرشيد كده *شتريط والرشيد واحد *لاحظ ان رئيس المخابرات والذي رسم الخطه كلها وصنع الاعجاز كان اسمه الحقيقي صلاح ذو الفقار *وفي المسلسل اسمه شريف والي *برضو والي ؟؟؟؟؟؟؟؟؟ *ختاها ليكم لكن *والقنبله الحاتنفجر من لندن *زحوا منها بعييييييييييييييد *هكذا قال شريف واااااااااالي *المهم *برغم ان الوقت غير مناسب للتهاتر بين الادارة وانصارها والمعارضه وانصارها *الا ان الاسلوب ايضا غير مناسب في اي مكان واي زمان *فرموز المريخ وادارييه السابقين والحاليين *خطوط حمراء تستوجب الاحترام *وتستوجب التأدب في الحوار معها ولو اختلف المحاور معها في الراي *فادب المريخ علمنا ان كبارانا منارات تضئ دروبنا *وان احترامهم من واجبنا *لذلك يمكن لاي جهه ان تنتقد الاخري *لكن في حدود الادب والتأدب *لان الامر نقد لا اساءه *فنحن صفوه ينبغي ان نكون قدوه *ونحن شفوت حينما تكون الشفتنه هي الانسب *ولكن لا نتشفتن علي بعضنا *كي لا نضعف عشقنا *يا اقطاب المريخ وادارييه الحاليين والسابقين *احتراماتي لكم جميعا *ايها الناس *ان تنصروا الله ينصركم *اها *نجي لي شمارات والي الخرتوم *كان شفت يا والينا *احترنا بس افتينا *تلاته رغيفات بالف جنيه *لماذا ولما ولييييييييييه *والرغيفه ما بتحوق فينا *وكان شفت يا والينا *بعد ده كلو الناتس سعيده تتكشم علي الفينا *في دي ما تفتينا *لاننا عرفنا السبب العلمي يا والينا *قالوةا الفول فيهو ماده بتسعد الزول *وده البضحكنا برغم الحزن الفينا *من الفول كتر لينا يا والينا *املونا فول خلونا بغم ما نقول سلك كهربا ننساك كيف وتلقي الزول بتكشم لاتعرفو سلس لاتعرفو فول ولا تعرفو مسطول والي لقاء سلك b_silik@hotmail.com ///////////
