عووووك الحرب
راشد عبدالقادر
14 April, 2023
14 April, 2023
الاتنين كضابين والاتنين لا يملكوا من امرهم شيئ والقضية لا سياسية ولا امنية وانما مصالح وخوف شخصي.
الجيش اتحول لجيش حزب الحركة الاسلامية منذ الدفعة ٣٩ ثم اتحول الى مليشيا البرهان بعد مجزرة الاعتصام.
والجنجويد اصلا مليشيا فالاتنين ملايش ليس الا فما فى حاجه اسمها جيش سودانى ..
التماسك الظاهري البيناتم الفترة الفاتت مصدره عداوتم المشتركة لقوى الثورة السودانية مدفوعة بالاجندة الخارجية خصوصا السعودية الاماراتية المصرية..
الاجندة الخارجية اتغيرت و الاتجاه لتقفيل الملفات خصوصا حرب اليمن الكانت مصدر تمويل للجنجويد وضباط الجيش الكبار كانوا بيفتشوا واسطات عشان يتم *اعارتم* لقوات الجنجويد ويلقوا دولارات وريالات ويحسنوا اوضاعم..
البرهان والجنرالات المعاه ما شغالين بالامن السودانى و عشان مصالحم الخاصة واوضاعم فجروا الامن القومى بتحريض قبائل لاغلاق الموانئ وقطع الطرق القومية لمكاسب لحظية و ما اهتموا بالخسارات الاستراتيجية فما يوهمونا بحرصهم على السودان.
البيعملوا فيه دا خوف و قلق و فقدان رؤية .. فى عساكر جنجويد كتاااار ح يقيف تمويلم السعودى الاماراتى و حميدتى ما عنده ليهم حاجه عاوز جيش البرهان يتحمل تكاليفم وخزينة الدولة ما عندها امكانات .. والبرهان ما يقدر يستوعبم عشان ح يخلق مشكلة لعساكر (مليشيا الجيش) باضافة ناس خموها ريالات ودولارات وهسع عاوزين يزاحموهم فى رتبم ومرتباتم..
والاتنين ما يقدروا يستخدموا السلاح ضد بعض لانهم ح يتحرقوا بيه فى الاخر ولان مصر ما عاوزه صراع تحتها ياثر على صراعا مع اثيوبيا والسعودية ما عاوزه صراع جديد غربها و هى بتفتش لتقفيل ملف اليمن...
حميدتى والبرهان وكباشى و غيرهم عبارة عن عملاء ليس الا عاوز تحل مشكلتم امش ناقشا مع الناس المشغلاهم السعوديين والاماراتيين والمصريين و بقيها جزء من اجراءات الملف اليمنى يشوفوا للضباط الكبار رؤوس الاجرام منفى ويشوفوا تعويضات لصغار الضباط والجنود ونزع السلاح والتسريح من الخدمة وبعدها *نأسس* جيش سودانى لكن ما تضيع زمنك فى النقاش معاهم لانهم لا عندهم رؤية لا فهم لا فكر .
الحاصل فى المشهد جهتين اجراميتين من القتلة والسفاحين والعملاء شايفين الاوضاع الحولهم بتتغير وامورم جايطة و مستقبلم مخيف شايلين سلاحم و عاملين جوطه لكن فى الحقيقة دا كوراك وصراخ و بيقولوا الحقونا من المصيبة الوقعنا فيها نفسنا.. علييييكم الله الحقونا
وعشان تلحقوهم اشربوا قهوتكم وناقشوا الشغلوهم واستخدموهم لكن هم كمليشية برهان ومليشية حميدتى ماعندهم سجم رمادم
////////////////////////////
الجيش اتحول لجيش حزب الحركة الاسلامية منذ الدفعة ٣٩ ثم اتحول الى مليشيا البرهان بعد مجزرة الاعتصام.
والجنجويد اصلا مليشيا فالاتنين ملايش ليس الا فما فى حاجه اسمها جيش سودانى ..
التماسك الظاهري البيناتم الفترة الفاتت مصدره عداوتم المشتركة لقوى الثورة السودانية مدفوعة بالاجندة الخارجية خصوصا السعودية الاماراتية المصرية..
الاجندة الخارجية اتغيرت و الاتجاه لتقفيل الملفات خصوصا حرب اليمن الكانت مصدر تمويل للجنجويد وضباط الجيش الكبار كانوا بيفتشوا واسطات عشان يتم *اعارتم* لقوات الجنجويد ويلقوا دولارات وريالات ويحسنوا اوضاعم..
البرهان والجنرالات المعاه ما شغالين بالامن السودانى و عشان مصالحم الخاصة واوضاعم فجروا الامن القومى بتحريض قبائل لاغلاق الموانئ وقطع الطرق القومية لمكاسب لحظية و ما اهتموا بالخسارات الاستراتيجية فما يوهمونا بحرصهم على السودان.
البيعملوا فيه دا خوف و قلق و فقدان رؤية .. فى عساكر جنجويد كتاااار ح يقيف تمويلم السعودى الاماراتى و حميدتى ما عنده ليهم حاجه عاوز جيش البرهان يتحمل تكاليفم وخزينة الدولة ما عندها امكانات .. والبرهان ما يقدر يستوعبم عشان ح يخلق مشكلة لعساكر (مليشيا الجيش) باضافة ناس خموها ريالات ودولارات وهسع عاوزين يزاحموهم فى رتبم ومرتباتم..
والاتنين ما يقدروا يستخدموا السلاح ضد بعض لانهم ح يتحرقوا بيه فى الاخر ولان مصر ما عاوزه صراع تحتها ياثر على صراعا مع اثيوبيا والسعودية ما عاوزه صراع جديد غربها و هى بتفتش لتقفيل ملف اليمن...
حميدتى والبرهان وكباشى و غيرهم عبارة عن عملاء ليس الا عاوز تحل مشكلتم امش ناقشا مع الناس المشغلاهم السعوديين والاماراتيين والمصريين و بقيها جزء من اجراءات الملف اليمنى يشوفوا للضباط الكبار رؤوس الاجرام منفى ويشوفوا تعويضات لصغار الضباط والجنود ونزع السلاح والتسريح من الخدمة وبعدها *نأسس* جيش سودانى لكن ما تضيع زمنك فى النقاش معاهم لانهم لا عندهم رؤية لا فهم لا فكر .
الحاصل فى المشهد جهتين اجراميتين من القتلة والسفاحين والعملاء شايفين الاوضاع الحولهم بتتغير وامورم جايطة و مستقبلم مخيف شايلين سلاحم و عاملين جوطه لكن فى الحقيقة دا كوراك وصراخ و بيقولوا الحقونا من المصيبة الوقعنا فيها نفسنا.. علييييكم الله الحقونا
وعشان تلحقوهم اشربوا قهوتكم وناقشوا الشغلوهم واستخدموهم لكن هم كمليشية برهان ومليشية حميدتى ماعندهم سجم رمادم
////////////////////////////