بسم الله الله الرحمن الرحيم
في السلك
• الهلالاب حيرونا
• تسلم عليهم يقولوا ليك سلامك بايخ
• سلام عدم عشره
• بتسلم طغياااااااان
• بي طرف ايدك
• ماتسلم عليهم يقولوا ليك ليه ما بتسلم
• ماماليين عينك ؟
• وفي الضلام يحدروا ليك
• اها
• عبدو كبيري المريخابي الكبير
• قال لي الجماعه ديل ندفع لعلاج ود الجنيد يزعلوا
• ديمبا يقول داير قروش
• مانديهم قروش يدفعوها لي ديمبا يزعلوا
• يعني ندفع يزعلوا
• ماندفع يزعلوا
• قلت ليهو ده كلام شنو يا عبدو ؟
• قال لي عملوا حكاية ود المهدي في المسرحيه
• نكورك ليكم ماتجوا نجيكم تكوركوا
• ضحكت
• قال لي بتضحك مالك ؟
• قلت ليهو عبارة ود المهدي في المسرحيه بتنطبق علي الجماعه ديل برضو في موضوع تاني
• قال لي كيف ؟
• قلت ليهو ناس الجزائر الانسحبوا منهم ومامشوا ليهم كورة الرد ديك يقولوا ليهو نكورك ليكم ماتجوا
• وناس مازيمبي الجوا هنا يقولوا ليهم نجيكم تكوركوا
• عبدو ضحك وقال ويقولوا لي ناس مازيمبي ده مامن موبوتو , ده من العصير
• الخوف الجايه تتقلب
• تبدأ بنجيكم تكوركوا
• نكورك ليكم لي كورة الرد ماتجوا
• من الهنا تقنعوا
• الليله كتبنا العنوان نكورك ليكم ما تجوا نجيكم تكوركوا
• وبما ان الاولي هنا والتانيه بره
• قريبا سنكتب بحول الله تحت عنوان
• نجيكم تكوركوا نكورك ليكم ماتجوا
• المهم
• الله يدينا الفي مرادنا
• ويكمل شفاء ود الجنيد الخلوق ( شفتوا مرادنا كيف )
• ويعيده لاهله واسرته معافي
• ولمجتمع الرياضه بصفة عامه وللمريخ بصفة خاصه
• خصخصناهو
• والعندو مانع يدفع ويقول لينا ماتدفعوا , انا دفت
• معقوله
• تكون راكب انت وصاحبك في حافله
• الكمساري يطقطق للناس
• صاحبك يجي يدفع
• يدخل يدو في جيبو
• تقوم انت تمسك يد صاحبك داخل جيبو
• وتحلف عليهو تقول علي الطلاق ماتدفع
• وانت برضو ماتدفع ؟
• تقعد سااااي
• الحافله دي حقتك ؟
• الكمساري ده يقول لسيد الحديده شنو ؟
• يقول ليهو في زول اتفنجر في الفارغه
• لادفع ولا خلي الناس العندها تدفع ؟
• خليك معقول يازول
• وكت ماعندك اسكت ساكت وزح بعيد
• المهم
• امس جوا جماعه من صلاة الجمعه
• ماصلوا معانا في الحله
• صلوا بعييييييييد
• قالوا صلوا مع الشيخ
• والشيخ قال ليهم الحكايه خمسه صفر
• واحد منهم مامشي معاهم بسمع في الكلام
• اول من سمع خمسه اتشهد وقال
• تاني التعاون طرف شمال ؟؟؟؟
• قلت ليهو امنعوا العصير
• طبعا الشيخ مابكضب
• لكن خمسه دي فيها زيادة محلبيه
• لكن ممكن النقل كلام الشيخ يكضب
• المهم
• العصريه رجعت البيت
• لقيت اسلام يادوب قايمه من النوم
• قالت لي صليت الضهر ونمت
• وقالت شافت في النوم قصيده مكتوبه في السحاب
• قصيده جميله وطويله
• وقالت حفظتها
• قلت ليها قوليها لي
• قالت لي ما هسي , في وكتها
• الحيت عليها
• قالت لي بديك منها مقطع
• وقالت
• يوم الاحد الحد
• ويمر احد
• وبعدو احد وود اللحد
• الباقي ابت تقولوا اصلوا
• قالت في وقتوا بتتمها لي
• المهم
• لاقاني هلالابي
• قال لي نحنا كرهنا ديمبا
• قلت ليهو ليه كده ؟
• قال لي ديمبا يقول مادايرنا ؟ وداير يستقيل ؟
• قلت ليهو عادي , مجلس ادارتكم برضو قال مادايركم , الدايركم منو يا اخوي !!
• اسكتوا بس
سلك كهربا
ننساك كيف والناس بتفحط في شارع النيل مساءا بي عرباتها دون احترام للذين يرتادوا الحدائق للترويح ودون احترام للقانون ودون اهتمام بارواح الناس
والي لقاء
سلك
babikir maki [b_silik@hotmail.com]
