آل خالد عزالدين آل .. بقلم: بابكر سلك

بسم الله الرحمن الرحيم
في السلك

•    صغار الجديان في الميدان
•    حققوا نصرا كبيرا علي فريق كبير
•    وبارضه
•    انهم نواة طيبه للصقور الكبار
•    رجل العجب خضراء
•    انضمامه لصقور الجديان بقي فتح ونصر لكل من يرتدي شعار الوطن
•    نحن في انتظار صقور الجديان الكبار
•    لن نقبل بغير التأهل للنهائيات
•    ولا نقبل باي عذر
•    نهائي
•    المهم
•    امس قاعدين مستنين كورة مصر وجنوب افريقيا
•    الي جواري كان يوجد جمهور محترم من الجاليه الجنوب افريقيه بالسودان
•    يتكشموا سااااااي
•    ويتبسموا
•    ويرطنوا ويبرطموا
•    وفجأه جات الصوره من الميدان
•    اول زول ظهر في الشاشه كان  الحضري
•    الشاشه الماغشاشه
•    كابتن كمان
•    الجاليه الجنوب افريقيه كلها في دقيقه مرقت
•    ولا زول منهم ما استني السلام الجمهوري المصري ينتهي
•    ماقدروا
•    اتصدموا
•    مساكين غشوهم
•    قالوا ليهم الحضري ما بلعب عشان موقوف
•    قاموا فرحوا
•    ولما شافوا الحضري احبطوا
•    نفسياتهم بقت في الواطه دي
•    غشوهم
•    غشاهم الزول القال ليهم في خطاب من الاتحاد المصري يفيد بايقاف الحضري
•    غشاهم غشه شديده
•    ولما طلعوا سمعت واحد منهم تحت تحت بقول
•    تاني الزول ده لو قال لي الحضري موقوف بقول ليهو عيب كده  تاني ماتقول كده
•    اها موضوع الحضري انتهي تاني الموضوع شنو ؟
•    اديكم فكره
•    اشتكوا في ساكواها
•    قولوا في فرنسا كان موقوف سنتين
•    والسنتين لسه ما تمن
•    ايسكوتي ايسكوتي ميش الحضري لعب كورة جنوب افريقيا
•    لعب ؟ لعب ازاي ؟ ميش خالد عزالدين آل الحضري موقوف وميش هايلعب مع مصر والاتحاد المصري طلع خطاب موقع من السكرتير العام للاتحاد بقول كده ؟
•    خالد مين يا حاجه وخطاب ايه !!! انت من زمن بسموا السكرتير العام ؟ الناس يمه الحاجه بقت تقول المدير التنفيذي من سنة 2008 , آل خالد آل
•    طب الشكوي هاتروح فين ؟
•    تروح مطرح ماراحت شكوي الصفاقسي
•    وهي شكوي الصفاقسي راحت فين ؟
•    راحت الزباله طبعا يامه الحاجه
•    الهي اي زبال في الدنيا دي تكرموا وتريحوا يا رب  آدر انت وكريم
•    يبقي اقولك ياحاجه !!! غني معايا ….ارقص ياحضري
•    زغردي يا بت
•    غايتو اليومين دي زنقه زنقه شديده خلاص
•    امس مشيت قندهار لزوم شيات ونيات فضلة خيركم
•    طبعا لازم تعبر سوق ليبيا عشان تصل قندهار
•    لكن آمن
•    تعبر ليبيا في اليومين دي وماتعبر سوق ليبيا
•    زحمه زي الزحمه
•    جوطه شديده
•    عدم نظام
•    وناس فارشين وسط الزلط
•    لما قلنا ده شنو ده . قالوا لينا من حقهم موش بدفعوا للمحليه ؟
•    يامحليه
•    الشعب يريد تنظيم الاسواق
•    لكن الزنقه الشفتها في سوق ليبيا تؤكد لي ان القذافي لما قال زنقه زنقه ماجاب الكلمه دي من ليبيا , جابها من سوق ليبيا
•    الاستاذ الصفوه الشفت عزالدين من مدني الحبيبه استاذ رياضيات شاطر جدا جدا
•    قال لي حسب المعطيات العندنا ولما نحلها آنيا نصل للناتج مريخ 2011 يساوي بطوله جويه , وهو المطلوب
•    يا محمد عبد الماجد يا محمد عبد الماجد موش الحضري لعب !!!!!!!
•    تهئ تهئ تهئ
•    تهئ زاتها ما بتنفع
•    هاهاهاها هااااااااااااااااااااااااااااااااااااااااااااااااااااااااااي
•    استغفر الله
•    هدف خميس مارتن اعجبنا جدا
•    الي الامام الي الامام
•    ثوره ثوره ثوره
•    روشا
•    الحضري رقص
•    اقصد لعب
•    تاني شن قولك ؟؟؟؟
•    غايتو الفرصه اللقاها مارتن دي لو لقاها فيلكس كان جينا بي نقطه واحده
•    الحمد لله فيلكس ماسوداني
•    لكن الحضري سوداني
•    ياكايدهم
•    ياحضري
•    يامعذبهم
•    ياحضري
•    يامطلع روحهم
•    ياحضري
•    غايتو بعد كده اي شافع  هلالابي وعامل ازعاج في الفارغه
•    لو دايرو ينوم تقول ليهو تنوم ولا العب ليك الحضري
•    والله ينوم جنس نوم
•    خالد وود عبدالماجد وروشا
•    مافي زول يصحيهم
•    خلوهم ياخدوا راحتم
•    النوم النوم ….النوم النوم ,,,النوم نعال سكت الجهال
سلك كهربا
            ننساك والحضري لاعب مع منتخب مصر ؟؟؟
والي لقاء
سلك
babikir maki [b_silik@hotmail.com]