بسم الله الرحمن الرحيم
في السلك
• رمضان ياحليلو
• ياريت لو كان الصيام حداشر شهر في السنه
• وشهر واحد فطور
• الكضب
• الاذي
• النميمه
• والشكل
• والمشاكل
• تلاتين يوم بس في السنه
• اها
• اتصلوا لينا بالفيفا
• يمكن تحن علينا
• وماتعترف بمامضي من رمضان
• وتعيدو لينا من جديد
• قال فيفا قال
• الفيفا الماسوره
• المهم
• السوها فينا لاعبوا المريخ شينه
• لاقادرين نستحملهم
• ولا في طريقه للبحر في رمضان ده
• زايد شديد
• بغرق
• بودي في داهيه
• لكن السؤال
• البعملوا فيهو الناس ديل هل يجوز في هذا الشهر الكريم ؟
• ياناس
• الزول كان شيب
• بكضب ويصبغ
• وكان كرمش
• بكضب وبعمل شد
• لكن لو بقي عريض من فوق
• ورقيق من تحت
• مافي كضب
• ده ياهو الكبر (بضم الكاف ) زاتو
• لافي ليهو صبغه ولا شد
• ياربي في كم لاعب بهذه الاوصاف عندنا !
• اها
• قال ليك الوزير شحن رصيد بمليون جنيه
• بالجديد
• بعد الاستقالات
• وبدأ يتصل
• الو
• مرحب سعادة الوزير
• تدخل مجلس الهلال ؟
• لالالالالالالالالالالا
• اعفيني سعادتك
• كرج
• الخط قفل
• مكالمه جديده
• الو
• اهلين السيد الوزير
• تدخل مجلس الهلال ؟
• ليه ؟ انا عملت شنو غلط سعادتك ؟ مافي داعي للجزاء ده
• ومكالمه تالته
• الو
• السيد الوزير شخصيا ؟ مابصدق
• انا داير اعينك في مجلس الهلال
• هلال الحركه الوطنيه ؟
• هلال الديمقراطيه ؟
• قال الروب ؟
• قبلوا بالتعيين ؟
• لكن ليه انا بالذات سعادتك ؟ ماداير
• ومكالمه رابعه
• الو
• عليكم السلام والرحمه سيدي الوزير
• انا قررت ادخلك مجلس الهلال
• لالالالالالالالالالالالالالالالالالالالالالا
• الخط قفل
• ومكالمه
• الو انا الوزير وبفرض عليك دخول مجلس الهلال
• هذا المشترك لا يمكن الوصول اليه الآن
• لترك رساله صوتيه بعد سماع الصافره يكون مرق خلي البلد دي زاتها
• قال مجلس هلال قال
• ومكالمه
• الو
• ايوي يوي يووووووووووووووووووي الوزير شخصيا ؟ اهلا بيك
• انا عينتك عضو في مجلس الهلال يا انتي
• بري بري بري
• تف تف تف
• بره وبعيد
• مالي يايمه
• كوكوكو الباب
• منو
• بتاعين الحافلات
• كوكوكو الباب
• منو
• ناس الفنادق
• كوكوكو الباب
• منو
• ناس الموز
• كوكوكو
• ليه الجابرني شنو ؟ وبعدين راجلي ده صعب ما بقبل الحاجات دي
• سيدي الوزير
• جيب ناس الخدمه الوطنيه واهو برضو الموضوع الزاميه
• اها
• الرائع محمد عبدالماجد قال نسي زول اسمو طمبل
• اذكرك يا حماده
• طمبل صاحب حموده
• بتعرف زول بالاسم ده ؟
• آخر يوم شفتو متين ؟
• بس طمبل كان معاهو
• قالوا القروش شايلها المكاشفي في كيس
• طماطم يا كافي البلا
• لو في كيس اسمنت ما حاتعمل حاجه
• حليلك يا ارباب
• ياناس
• لا تصالح لا صلح لا استسلام
• والناس الفضل ليهم اشهر في الكشف عارفين روحهم
• اخير يودعوا الملاعب بمستويات فيها مسؤليه
• معقوله في رمضان
• وبحر مافي !
• بمناسبة بحر دي
• صديقي صلاح نمارق قال لي في واحد بتاع بحر
• جا بيتهم تلاته صباحا
• لقي الكديسه وبناتها نايمات في سريرو
• قال سته كدايس !
• ده سرير ولا كداره
سلك كهربا
لن ننساااااااااااااااااااك
والي لقاء
سلك
babikir maki [b_silik@hotmail.com]
