بسم الله الرحمن الرحيم
في السلك
• غايتو لعب مهند الطاهر بتاع الخرطوم ده ما ابو ميه
• شات مخالفه زي السم
• ده لعب ما لعب ميه
• ده لعب ميه وخمسه عديل كده
• لكن باقي الناس اسكت بس
• في ناس لعبوا لعب العشرين بس
• ابو ميه زاتو ما لعبوهو
• مرض ام سادومبا اثر علي المستويات كتير
• في شيخ اسمو شيخ شخشخانه
• ساكن الحتانه
• قال ليك نام في الخيره قام مخلوع
• قالوا ليهو مالك ؟
• قال رأيت في النوم حتانه مليانه
• مضيوفه شديييييييييييييييييييييييد
• محل تخت رجلك فيهو ما بتلقي
• الحيران اتلموا وقالوا ليهو ماذا رأيت في المنام بعد ذلك يا شيخنا ؟
• قال 0000 رأيت الناس الجدد بالحتانه (مفلسين) ويمدون( قرعاتهم) للماره
• وقف احد الحيران في ادب وقال : يا شيخي وبماذا تفسر ذلك ؟
• سكت الشيخ برهة 000 ونظر الي السماء 000 ثم الي الارض
• وقال 0000 رأيت ثلاثه اضواء تخبو رويدا رويدا وشمس يزداد اشعاعها
• قال الحيران 00 ثم ماذا ؟
• قال 0000 رأيت ثلاثة طواحين وثلاثه سنابل عجفي
• قالوا سبحان الله 000 ثم ماذا ؟
• قال ورأيت اناس يسألون عن الطاحونه الرابعه والسنبله الرابعه , فلم يجدوا لهن اثر بالحتانه
• ثم سكت وتنهد بعمق وقال 000 كم فريق يمثلنا في المنافسات الافريقيه ؟
• قالوا اربعه يا شيخنا والله اعلم
• قال امكم 0000 تلاته طاروا
• قالوا له ومن هم الذين طاروا يا شيخنا ؟
• قال ثلاثه من الاربعه
• قالوا سمهم لنا يا مولانا
• قال لااعرف لهم اسماء 000 ولكن لهم ملامح
• قالوا وماهي ملامحهم ؟
• قال الم اقل لكم اني رأيت الناس الجدد بالحتانه مفلسين ؟
• قالوا بلي يا شيخنا
• قال اذن الذين طاروا هم افقر ثلاثه فرق من الاربعه التي تشارك باسم الوطن
• قالوا والكلام ده الآن يا شيخنا ولا بعد دور السته عشر ؟
• قال لم ار في المنام مايشر الي الرقم ستة عشر 000 انه الآن ايها الحيران
• قالوا وهل من خصلة اخري يا هذا ؟
• قال بلي 0000 هؤلاء الناس المفلسين يصرون وجوههم ولا تعرف الابتسامه دربا لشفاههم المشققه 000
• قالوا ثم ماذا ؟
• قال ويردون السفر والعوده الي امكنة تدفن بها صراتهم
• ضحك الحيران وقهقهوا ثم قالوا بصوت واحد
• العوده لمكان مدفونه فيهو الصره ؟ ده مرض ام سادومبا يا مولانا
• قال ومن سادومبا يا هؤلاء
• انبري احدهم يجيد الوصف ووصفه بالكربون
• قال الشيخ سبحان الله لقد رأيت هذا الشخص في المنام معهم وهو اكثرهم اصرارا علي العودة لمدفن الصره
• احد الحيران قال للباقين 00 انتوا المريخ في المجموعات معاهو منو ؟
• الله يسألكم البعمل فيهو النفطي ده عمل زول ماداير مشاكل !
• للمره الثانيه وارقو هو السبب في الهدفين في مرمي العرب
• كلتشي بمكنة ايداهو
• تاني ما بتحصل
• انتوا كاريكا عندو كم هدف !
• السنه الفاتت عشره فيهم اطناشر بلنتي
• السنه دي البلنتي زاتها في حق الله
• رجعوهوا باك يمكن ينجح
• زي عاطف القوز
• وحقوق الطبع محفوظه
• ده شنو يا النفطي !
• ده شنو عدم الاحساس ده ؟
• صلاح لماح
• صحي الصباح
• قال مانمشي كادوقلي ما مرتاااااح
• قالوا نمشي
• ولما مشوا كتر النواح
• ماسمعوا كلام صلاح
• وقالوا السبب صلاح
• الطياره دفعها الاتحاد وقال يخصم من دخل الهلال
• طيب لو الهلال قال انا دخلي شنو الاتحاد يمشي وين ؟
• يمشي الفيفا !
• اخوي الرشيد اليويمن دي مشغول
• لكن لو فاتتك الفرصه تاني مابتلقاها لو ادوك ليها ضربة جزاء وهميه زي جماعتك
• بيييييييييييييييييع يارااااااااااااااجل
• بصراحه
• سيظل العجب هرما والبرنس كبيرا
• لاتحطموا آخر نغمات الطرب في سمفونية الكوره
• نعلم انه لكل اول آخر
• ولكن لا تستعجلوا الآخر
• خلوا في الميدان ( رواب )
• والله انا لو محل صلاح اطلع الحساب
• واخصم منو طيارة ناس ترباس
• وقروش ناس تسخاني وسولي والكم ماسوره ديك
• واطالب بالباقي
• من حقو
• والقال حقي غلب
• المويه المشي شربها ترباس في تونس وجا لقاها خمسه ديك
• برضو تتخصم من حساب الارباب
• الهلال ما عزم ترباس
• الارباب العزم ترباس
• ده ضيف خاص
• اسي في الحصاحيصا مزمل دفع ؟
• موش كان ضيف
• يبقي ترباس ما يدفع
• العزم ترباس يدفع
• تسخاني الماسوره
• بالمناسبه
• انا مبسوط من الانتخابات والوضع الديمقراطي
• علي الاقل الشعب حا يعرف يحتفل باكتوبر
• ونسمع رائعة ابو الامين وهاشم صديق
• نشيد زي النشيد
• كفايه العمر كلو نشيد بيكم
سلك كهربا
لن ننساااااااااااااااااااااااااااااااك
والي لقاء
سلك
babikir maki [b_silik@hotmail.com]
