بسم الله الرحمن الرحيم
في السلك
*اتفق العلماء والفقهاء والمحدثين
*علي ان الحياه دي عبارة عن اوجاع
*تتوجع لما تعرف حاجه
*لكن اشد الاوجاع تلاته انواع
*وجع الضرس
*وقالوا في واحد بلدياتنا
*بالليل سمعوهوا بكورك ويصرخ باعلي صوتو
*القصة بدت انين
*فآهات
*فصراخ
*وولوله عديل كده
*استغاث باعلي صوت
*كب الجرسه شديد
*الجماعه جروا عليهو
*لقوهوا مطعون زي اربعين طعنه كده بالسكين
*ومقطع حتهخ حته بالسيف
*قالوا ليهو عليك الله ما بتخجل !!!
*تكورك كدي في الطعينات ديل
*اسي قايلين ضرسك قام عليك
*والنوع التاني من الوجع
*وجع الولاده
*وده سبب تعظيم الام
*وتكرمها بالجنه التي تحت قدميها
*وجع يوجع بلد كامله
*بجي لي زول واحد
*وازول سعيد
*لانو بعد الوجع بستقبل حكمة وجودو في الحياه
*سمفونيه الابداع التي خصها الله بها
*فتعزف بانينها نغمة الابداع والامتاع
*وتجود صولة الوجود في الوجدان
*اللهم لا توجع امهاتنا بعد الشافنو يا الله
*اللهم ووجعنا نحن لراحتهن يا كريم
*برغم ان بعض المثقافتيه يروا ان وجع اليومين دي اشد من وجع الولاده
*لذا قالوا الوجع الخرافي هو النوع التالت من اشد انواع الوجع ايلاما
*وجع الولاده ما شفناهو
*لكن الوجع الخرافي شفناهو
*شفناهو في اخوتنا الاهله
*وجع بكري خرافي
*خلاهم يهرطقوا ويطقعوا ويبطبطوا ساااااي
*يقولوا دايرين صغار
يسجلوا فيصل
*يقولوا خلوا ناس عمر
*يفاوضوا عمر
*كديس فداسي المربيهو الوالي جننهم شديد
*كديس ابو كديس
*المهم
*وجعهم خرافي
*والمثقفاتيه قالوا الوجع الخرافي هو وجع الولاده
*اللهم لا توجعنا ولا تعولقنا بعد العمر ده
*المهم
*وصل اثيوبي الهلال
*وصلت معاهو وكيلتو
*وكيليك الله يا راجل
*فطومه ناطق رسمي
*اللاعب وكيلتو واحده ست
*ده فريق !!!
*امال الاحفاد كيف !!!
*اهلنا في دارفور ليهم مثل
*نذكركم به
*البباري الانتايه تمرقو في الفضايه
*المهم
*اليومين دي اي زول يقولوا ليك هضرب
*اعرف قرصتو عقرب
*واتهضربي يا روشا
*بعد فطومه اختي ناطقه ووكيلة اللاعب الحبشي
*لانستبعد رئيس بعثة الهلال للفيفا يوم يشتكوا بكري
*تكون هيلاري كلينتون
*اقول ليكم
*ام كلثوم موش لقبها الست ؟؟؟
*اعملوها رئيسه فخريه لقطاع الثقافه
*واعملوا ليها حوليه
*ولما تمشوا مصر
*زوروا السيده زينب
*ايها الناس
*كلو ما اشوف فطومه اتذكر المثل البقول
*عجوبه الخربت سوبا
*وقال المثل التاني
*لو عمرت سوبا خربت الخرطوم
*اللهم لاتخرب الخرطوم
*ايها الناس
*ان تنصروا الله ينصركم
*اها
*نجي لي شمارات والي الخرتوم
*كان شفت يا والينا البلد كلها بتتوجع
*البياكل والبرضع
*الكبار والشفع
*البعتب والبضلع
*البحوم بالليل يلبع
*والبقوم الليل يركع
*بنتوجع ونتوجع ونتوجع
سلك كهربا
ننساك كيف وكل البمرق يحلف ما يرجع …بنتوجع
والي لقاء
سلك
b_silik@hotmail.com
