فداسي سات ثري … بقلم: بابكر سلك

 

بسم الله الرحمن الرحيم

 

في السلك

 

 

 

•       كل الناس اتجهت لطرد كاربوني

•       كان كاربوني زول سااااااي

•       الكل يتحدث عن اخفاقات كاربوني

•       تعالوا نستعرض تلك الاخفاقات

•       داخليا كاربوني متصدر الدوري بالنمره الكامله

•       علي الرغم  من افتقاده لكثير من اساسييه بسبب الاصابه ( طمبل ) او عدم الجاهزيه ( العجب )

•       ثم تواترت عليه الاحداث

•       اصابات بالالوف في الركب والانوف

•       حتي موسي الزومه توقف للاصابه

•       وجاء الموت

•       وانقص كاربوني اهم لاعب لديه

•       وتوترت الاصابات الي ان عاد اكرم للاصابه من جديد

•       كل ذلك وكاربوني يكسب مبارياته بالدوري

•       ده من الناحيه الداخليه

•       خارجيا

•       كاربوني لعب ضد سانت جورج تعادل باديس وكسب بالخرطوم

•       ولعب ضد الغزاله تعادل بشاد وكسب بالخرطوم

•       ولعب ضد الترجي خسر بتونس وتعادل بالخرطوم

•       خساره واحده فقط

•       ولعب كاربوني في ظروف سيئه

•       اصابات ووفيات

•       اضطر ليلعب براجي ومصعب كمهاجمين اساسيين

•       حا تقول لي ليه ما لعب وارقو من البدايه ؟

•       وارقو يا سيدي لعب كتيييييييييير من البدايه ومن النهايه وفي الوسط

•       والحال يا هو نفس الحال

•       كاربوني يا ساده بالتأكيد لم يوصي محمد كمال بان يقع ارضا علي ( كوعو ) حتي تسقط منه الكره لقمه امام مهاجم الترجي

•       وكاربوني لم يحذر محمد كمال منها لان كاربوني بالطبع يعتبر وجوب عدم سقوط الحارس علي كوعو من الابجديات التي لاتحتاج لكمال اقصد كلام

•       وكاربوني تفتكروا قال لبله العب مية باص غلط !

•       قال للباشا اسرح ويا دنيا ما فيك الا انا !

•       كاربوني قالوا اشرك النفطي مصاب

•       متي ادي النفطي دوليا مع المريخ افضل مما قدمه ضد الترجي !

•       كاربوني الشجاع كان يجلس لاعبي السنيه احتياطيا في مباراة الترجي

•       ولو لعب حمد الشجره يقولوا مؤتمر وطني

•       ولو ما لعب حمد الشجره يقولوا معارضه

•       كاربوني تطير عيشتو

•       جهجهتوهوا

•       المشكله ليست في كاربوني ياساده

•       كفايه طيرتوا كروجر وابقيتوا علي اسباب الفشل

•       المشكله فينا

•       في كلام ما بنقدر نقولوا

•       ودي المشكله

•       لكن انا بقول

•       المشكله في من انتهت مدته الافتراضيه

•       وفي من تعوزه الموهبه

•       وفي من لايعرف قدره كلاعب بالمريخ ويتصرف بصبيانيه واستهتار يدفع ثمنه المريخ

•       حل المشكله في قرار شجاع

•       ووقفه من الصفوه مع القرار

•       وصبر

•       ثم حصاد

•       سؤال

•       اين السعودي الذي كان يحتج علي ابقائه علي الدكه و (يحرد )

•       هل وجدناهو عندما افتقدنا كل خط الهجوم ؟

•       الذين يقولون كاربوني فشل

•       هل لو ولجت ركنية النفطي بتونس التي ( دقت ) في العارضه وتهديفة لاسانا التي اصطدمت بالقائم واحتسب الحكم ضربتي الجزاء واحرز وارقو الهدف الذي اضاعه بصبيانيه في امدرمان

•       هل لو حدث كل ذلك كان الناس سيتحدثون عن سوء كاربوني ؟

•       خلوا الراجل يشوف شغلو ويقدر يطلع لينا بتشكيله تستحق ارتداء الشعار

•       المهم طرنا

•       وما طرنا برانا

•       عبدالباقي طار معانا

•       عبدالباقي باقي ليهو الحتانه

•       خالتي قالت حلمانه

•       الجماعه رمتهم القرعه في فريق قبل كده لعب معانا

•       قالت مامتذكره اسمو لكن زي العندو لاعب احترف معانا

•       قابلني

•       قال لي ماتتبسم انتوا ما احسن مننا

•       قلت ليهو كلنا طرنا

•       لكن نحن بنتفرج علي حوض السباحه وننسي

•       انتوا بتتفرجوا علي شنو ؟

•       قال لي بنتفرج علي قناتنا الرياضيه

•       قلت ليهو انتوا عملتوا قناة رياضيه ؟

•       قال لي ايوه , قناة قووون

•       قلت ليهو دي بتاعت رمضان

•       قال لي ورمضان زاتو بتاعنا

•       قلت ليهو كان كده الشروق النقلت ليك تلاته الاسماعيلي دي حافله ؟ قناة وحقتنا

•       قال لي الشروق حقت الجميع

•       قلت ليهو شوف

•       القمر الصناعي بكون فيهو قنوات كتااااااااار

•       عربسات قمرين

•       ونايل سااات

•       ونحنا قناتنا حانعمل ليها قمر صناعي يبثها برااااااها

•       ونسميهو فداسي سات ثري

•       ( ثري ) دي عشان ماننسي الحمصيه

•       ايها الناس

•       العتره بتصلح المشي

•       ووليد جمبلاط ده خلوهوا

•       مدرب اصلو ولا طلبه في نص الشغل تقولوا ليهو كسح !

•       يعني خلالالالالالالالاص

•       ناسنا منقطينها بس ناقصم تكتيك المدرب !

•       شداد

•       يا الغي حكاية حراس المرمي دي

•       يا قرشها لما نلقي لينا حراس مرمي في وطنا الواسع ده

•       يا مجلس المريخ

•       صالة المناشط تبدأ ( بجملون) زي العملتوهوا لحوض السباحه ده

•       امسكوا الشركه دي تواصل

•       قالوا الجماعه دايرين يلعبوا الموسم القادم في استادنا

•       وطبعا جمهورهم كلو السمسميه الكتيره جابت ليهم السكري

•       واكراما لجمهور السكري ده كم (حمام ) كده عند المداخل ببقي ضروره

•       علاقة كمال دحيه وليد البشري قال بتمها لينا بكره

•       وطلال ( بتاع ) الشاشه قال برضوا بتمها مع وليد البشري

•       وانا مني الشاي

•       لا تستعجلوا الاحكام علي كاربوني

•       كفايه رايكم في غاساروكا

•       اسكتوا حبه

•       واصبروا

•       خلوا الزول يعرف يشتغل

•       يعني لو ما برازيلي يكون بشنبوا الكبير ده من السراريج !

 

سلك كهربا

                  لن ننسااااااااااااااااااااااااااااااااك

والي لقاء

سلك

babikir maki [b_silik@hotmail.com]