تُور الله الأنطح (2)!!!
جمال أحمد الحسن
2 May, 2023
2 May, 2023
خارج النص
1 مايُو 2023م
أُستاذنا عثمان الحسن الله يطراهُو بالخير كان يصف طيش الفصل (المُو فاهم ولا عاوز يفهم ولاجَاجْ كمان) بتُور الله الأنطح وبرواية وصوت أُستاذ منصوري (أصْنَجْ الله لا شَكَرَكْ)!!!
إعتقد أن هذا الوصف ينطبق تماماً على بعض جداد (دَلَقُو) الإليكتروني (الظاهرين منهم والمستترين) اللِّي ربنا إبتلانا بيهم عبر الميديا والأسافير المُختلفة (إزيرق وإخيدر)...
من هُو تُور الله الأنطح؟؟
الإجابة: عندما يدُور بينك وأحدهم حوار ويُظهر لك نفس الإجابات التالية طوالي تعرفُوا دا من تيران الله الفوق دي...
مضابط الحوار:
- المواطن العادي: الجيش السوداني صنَّف هذه القوات بأنها (مليشيا مُتمرِّدة)، ويجب علينا نحن السودانيين دعمه والوقوف بجانبه والتضرُّع إلى الله بنصره وأن يحفظ سوداننا الحبيب ويعيد عليه نعمة الأمن والأمان...
- تُور الله الأنطح: القوات دي (يقصد الدعم السريع) كوَّنُوها البشير والكيزان...
- المواطن العادي: طيب معناتُو هُم كيزان ويجب أن يُداسُوا دُوس (حسب شعارك الرافعُوا في صفحتك بالفيسبوك)...
- تُور الله الأنطح: أممممم نعم ولكن اللَّي أسسوها هم البشير والكيزان!!!
- المُواطن العادي: نعم نعم أنا متفق معاك تماماً ويجب محاكمة البشير، وأزيدك كمان يجب محاكمة البرهان وحمدوك وقحت المركزي اللِّي قوُّوها وسمحوا لها بالتمدد ووطَّنُوها في معظم المواقع السيادية بالعاصمة الخرطوم، أن تعلم أن عداد هذه القوات في عهد الإنقاذ كان 11 ألف فرد وضابط خلا، والآن وصل عددهم لما يفُوق الـ 100 ألف.. أها بالله عليك مُوش يستحقوا المحاكمة بهذه الرخرخة والخيانة العُظمى؟؟؟!!!
بس الآن همتكم معانا.. نقف مع قواتنا المسلحة ضد هذه القوات المتمردة وعندما ترجع لحظيرة الوطن، نجي نشوف محاكمة الخونة ديل...
- تُور الله الأنطح: بس قادة الجيش ديل كلهم كيزان...
- المواطن العادي: أنا عارف الكلام دا.. وأزيدك من الشعر بيتين أيضاً قيادات الدعم السريع المتمردة (حميدتي وأخوهو والحواليهم) ديل كيزان.. بس بعيداً عن المُزايدات والردحي في الفاضي، هسَّع خلينا ننتهي من التمرُّد دا ونجي نشوف موضوع القيادات دي...
- تُور الله الأنطح: بس لكن.. بس لكن.. بس لكن...
- المواطن العادي: يا عزيزي الله يرضى عليك لا تَبَسْبِس ولا تَتَسْتِسْ ولا تنجر وتنساق بالخلا وراء فُرقاء الخلا ومحللي الخلا ومنظراتية الخلا ديل.. هل تعلم يا اخوي أن كثيراً من هؤلاء (القاعدين يجعجعوا ومالين الفضائيات ومُدَّعِي الثورية والنضال) كانوا جداد إليكتروني وصحفيين ومحللاتية للبشير.. فعندما سقط/أُسقِط تحوَّلُوا لجداد حمدوكي يصرف بالدولار وعندما طار حمدوك ركُّوا الآن مع فتات عيال (دَلَقُو)، خلِّيك مفتِّح وواعي ديل همهم بكاسيهم الجمل وبرادوهاتهم وشققهم وشركاتهم وجيوبهم (فَقَطَنْ)، وعندما تكتمل أركان العدالة بعد دحر هذا التمرُّد ويأتي يوم الحساب (من أين لك هذا) سيتَّضح لك ما أقول!!!
نصيحتي ليك أمسِك في جيشك دا بي (عِلاَّتُو) فإصلاح مؤسستك الوطنية أهون وأسهل بكتييييير من تعديل إعوجاج مؤسسة (ذات أطماع عائلية)، والدليل أنت بذات نفسك وصفت من أنشأها ورعاها وغذَّاها وأعطاها كل هذه الإمتيازات دي هُو البشير من أجل (حمايته) فلا حمته ولا حمت السودان ولن تحميك أنت مُستقبلا!!!
فلنضع أيدينا مع بعض يا عزيزي لنشر الوعي ومحاربة سُواقة الخلا...
ونسأل الله أن يُجنِّب بلادنا الفتن ما ظهر منها وما بطن.. وأن ينصر جيش السودان على المتمردين والخونة والعُملاء...
...
..
.
*ويظل سؤالنا الدائم.. البلد دي السايِقَها منووووووو؟؟؟*
*+ خبر الجماعة القَبَضُوهم في مطار الخرطوم مهرِّبين (الذهب) برَّة شنو؟؟؟*
*++ لجنة التحقيق المُشتركة مع (الإف بي آي) في حادثة إغتيال حمدوك الفاشلة وصلت لي وين؟؟؟*
*وأخيراً.. حكومة لا تستطيع بسط الأمن والأمان وتوفير العيشة الهنِيَّة لشعبها يجب أن ترحل اليوم قبل الغد!!!*
jamal.trane@gmail.com
/////////////////////////
1 مايُو 2023م
أُستاذنا عثمان الحسن الله يطراهُو بالخير كان يصف طيش الفصل (المُو فاهم ولا عاوز يفهم ولاجَاجْ كمان) بتُور الله الأنطح وبرواية وصوت أُستاذ منصوري (أصْنَجْ الله لا شَكَرَكْ)!!!
إعتقد أن هذا الوصف ينطبق تماماً على بعض جداد (دَلَقُو) الإليكتروني (الظاهرين منهم والمستترين) اللِّي ربنا إبتلانا بيهم عبر الميديا والأسافير المُختلفة (إزيرق وإخيدر)...
من هُو تُور الله الأنطح؟؟
الإجابة: عندما يدُور بينك وأحدهم حوار ويُظهر لك نفس الإجابات التالية طوالي تعرفُوا دا من تيران الله الفوق دي...
مضابط الحوار:
- المواطن العادي: الجيش السوداني صنَّف هذه القوات بأنها (مليشيا مُتمرِّدة)، ويجب علينا نحن السودانيين دعمه والوقوف بجانبه والتضرُّع إلى الله بنصره وأن يحفظ سوداننا الحبيب ويعيد عليه نعمة الأمن والأمان...
- تُور الله الأنطح: القوات دي (يقصد الدعم السريع) كوَّنُوها البشير والكيزان...
- المواطن العادي: طيب معناتُو هُم كيزان ويجب أن يُداسُوا دُوس (حسب شعارك الرافعُوا في صفحتك بالفيسبوك)...
- تُور الله الأنطح: أممممم نعم ولكن اللَّي أسسوها هم البشير والكيزان!!!
- المُواطن العادي: نعم نعم أنا متفق معاك تماماً ويجب محاكمة البشير، وأزيدك كمان يجب محاكمة البرهان وحمدوك وقحت المركزي اللِّي قوُّوها وسمحوا لها بالتمدد ووطَّنُوها في معظم المواقع السيادية بالعاصمة الخرطوم، أن تعلم أن عداد هذه القوات في عهد الإنقاذ كان 11 ألف فرد وضابط خلا، والآن وصل عددهم لما يفُوق الـ 100 ألف.. أها بالله عليك مُوش يستحقوا المحاكمة بهذه الرخرخة والخيانة العُظمى؟؟؟!!!
بس الآن همتكم معانا.. نقف مع قواتنا المسلحة ضد هذه القوات المتمردة وعندما ترجع لحظيرة الوطن، نجي نشوف محاكمة الخونة ديل...
- تُور الله الأنطح: بس قادة الجيش ديل كلهم كيزان...
- المواطن العادي: أنا عارف الكلام دا.. وأزيدك من الشعر بيتين أيضاً قيادات الدعم السريع المتمردة (حميدتي وأخوهو والحواليهم) ديل كيزان.. بس بعيداً عن المُزايدات والردحي في الفاضي، هسَّع خلينا ننتهي من التمرُّد دا ونجي نشوف موضوع القيادات دي...
- تُور الله الأنطح: بس لكن.. بس لكن.. بس لكن...
- المواطن العادي: يا عزيزي الله يرضى عليك لا تَبَسْبِس ولا تَتَسْتِسْ ولا تنجر وتنساق بالخلا وراء فُرقاء الخلا ومحللي الخلا ومنظراتية الخلا ديل.. هل تعلم يا اخوي أن كثيراً من هؤلاء (القاعدين يجعجعوا ومالين الفضائيات ومُدَّعِي الثورية والنضال) كانوا جداد إليكتروني وصحفيين ومحللاتية للبشير.. فعندما سقط/أُسقِط تحوَّلُوا لجداد حمدوكي يصرف بالدولار وعندما طار حمدوك ركُّوا الآن مع فتات عيال (دَلَقُو)، خلِّيك مفتِّح وواعي ديل همهم بكاسيهم الجمل وبرادوهاتهم وشققهم وشركاتهم وجيوبهم (فَقَطَنْ)، وعندما تكتمل أركان العدالة بعد دحر هذا التمرُّد ويأتي يوم الحساب (من أين لك هذا) سيتَّضح لك ما أقول!!!
نصيحتي ليك أمسِك في جيشك دا بي (عِلاَّتُو) فإصلاح مؤسستك الوطنية أهون وأسهل بكتييييير من تعديل إعوجاج مؤسسة (ذات أطماع عائلية)، والدليل أنت بذات نفسك وصفت من أنشأها ورعاها وغذَّاها وأعطاها كل هذه الإمتيازات دي هُو البشير من أجل (حمايته) فلا حمته ولا حمت السودان ولن تحميك أنت مُستقبلا!!!
فلنضع أيدينا مع بعض يا عزيزي لنشر الوعي ومحاربة سُواقة الخلا...
ونسأل الله أن يُجنِّب بلادنا الفتن ما ظهر منها وما بطن.. وأن ينصر جيش السودان على المتمردين والخونة والعُملاء...
...
..
.
*ويظل سؤالنا الدائم.. البلد دي السايِقَها منووووووو؟؟؟*
*+ خبر الجماعة القَبَضُوهم في مطار الخرطوم مهرِّبين (الذهب) برَّة شنو؟؟؟*
*++ لجنة التحقيق المُشتركة مع (الإف بي آي) في حادثة إغتيال حمدوك الفاشلة وصلت لي وين؟؟؟*
*وأخيراً.. حكومة لا تستطيع بسط الأمن والأمان وتوفير العيشة الهنِيَّة لشعبها يجب أن ترحل اليوم قبل الغد!!!*
jamal.trane@gmail.com
/////////////////////////