راشد عبدالقادر

9 June, 2024

مواجهة مباشرة بين التافهين

راشد عبد القادر مافى حاجه بتجى فجاة من العدم وانما بتحصل حته حته لامن تلقاها قدامك لامن تاسس مليشيا موازية للجيش دا تهديد للامن القومى وخطر لكن ما ظاهر ليك لانه ما مواجهة مباشرة معاك وانما اعتبرتو رصيد حقك لامن تودي قوات منك لصراع خاص بتاع دول اخرى ونفوذا ومصالحا انت بتضرب الامن القومى وتفتح الباب واسع جدا للعماله والارتزاق وتدخل الدول الاخرى فى تحريك عناصرك المسلحة وبرضو ما كان فارق معاك واعتبرتو مكاسب وقروش وتوظيف لامن تمنح مناطق تعدين

راشد عبدالقادر
28 February, 2024

وقت العيش بقى بالقبض مسيد شيخ الامين ولا بنسند

راشد عبدالقادر ___________ عامان سكنتهما فى حى السيد المكى لم اعرف ولا اعرف حتى اليوم اين موقع مسيد شيخ الامين ولم التقيه وقد كانت تضرسنى تلاوته (الشتراء) للقرءان يرفع منصوبا ويكسر مرفوع ولا انسى رحلاته مع الفريق طه عثمان ورجال البشير فاغتاظ ولكنه يتجلى فى حال فزع وخوف ويصمد فى حال هرولة وانسحاب فما الرجال الا ساعات العسر والمحنة والاحتياج فرأيته يرتفع شاهقا يلتمع نجما ويضيئ قمرا ويهطل سحاب كان ابوطالب يصرخ بالجيش والجنجويد لكم حربكم ولى الناس لكم الموت

راشد عبدالقادر
11 January, 2024

الاسئلة الساهلة للجماعة اياهم الجزء التانى

١/ كونتو مليشيا الجنجويد يعنى ما عندكم مشكلة اساسا مع الملايش ولا عندكم؟ ٢/ قبلتو تكون فى قوات اخرى مسلحة وتجند غير الجيش ودى اهانة للجيش ولا ما اهانة؟ ٣/ قبلتو تودوهم مرتزقة لليمن يعنى ما عندكم مشكلة مع الارتزاق ولا عندكم؟ ٤/ عملتوا ليهم علاقات سياسية وتجارية مع الامارات يعنى ما عندكم مشكلة تديرم وتدفع ليهم دولة تانية ولا عندكم؟ ٥/ دافعتوا عن اغتصاباتهم وقتلهم وحرقهم للقرى فى دارفور يعنى ما عندكم مشكلة مع الجرائم طيب بتدافعوا عن ياتو

راشد عبدالقادر
28 November, 2023

ليه الجيش عامل كدا؟ المدافع عن المشروع الاسلامى وضحية ذات المشروع

احاول ابسط المسألة وقت جات الانقاذ فى ١٩٨٩ كانت من اهم مشاريعا حاجه اسمها اسلمة المجتمع ودا بيعنى تحويل المجتمع كفاعل اساسي وحامل للمشروع الاسلامى وقدمت اهم كوادرا على عثمان محمد طه الرجل الثانى فى الحركة وقائد كتلة المعارضة فى اخر برلمان قبل الانقلاب قدمته كوزير لوزارة للتخطيط الاجتماعى ودى كانت اهم وزارة ورأس الرمح فى المشروع الحركي…ومن اسمها واضح المطلوب منها اعادة هندسة المجتمع بما يتوافق مع المشروع الاسلامى وطبعا فشل فى المهمة كما فشل فى كل المهام الاخرى

راشد عبدالقادر
7 November, 2023

اوضح من الواضح

هل سقوط المواقع والانسحابات البتحصل والجرجرة والمياته بتاعت الجيش دى حاجه جديده؟ وهل سببا البرهان ولا دا شى اساسي ملازم الجيش؟ ولا ياها طبيعته بس الناس بتحب تغش نفسها وتخلق تصورات بطولية ووهمية للكيان الاسمه الجيش؟ حلايب من سقطت ليها كم سنه شفتو جيش استرداها؟ الفشقة وقت سقطت تانى الجيش ما استرداها الا بعد انسحاب الاثيوبيين براااهم وانشغالم فى معارك التقراى قبل سنتين.

راشد عبدالقادر
29 October, 2023

نعيد ونكرر… حتى يفهم البلهاء

((ويجوا انقلابيين وبرضو تسقطم)) ((محاولات اختطاف تستمر سنوات)) ……………… كتير جدا اتكلمت عن ان الثورة ما خط مستقيم بيمشى للامام دائما وانه مرات بيرجع ومرات بيقيف ومرات بيغير مساره بالكامل وانه الثوره معارك مستمره فى كل لحظه بيتحول جزء من الثوار لاصحاب (مصالح) بيقيفو ضد الحراك المستمر لانهم وصلوا محطتم هم واتكلمت كتير جدا عن الثورة الفرنسيه وانها استمرت فترة طويله جدا وانها فى طريقا للامام بعد سنوات جا فيها نابليون بونابرت وعمل نفسه امبراطور .

راشد عبدالقادر
26 October, 2023

عزيزى الجيش

عزيزى الجيش وانت ماشى للتفاوض لازم تكون فاهم ومدرك انك ما بتتفاوض عشان الناس والوطن وانما بتتفاوض عشان روحك ومظهرك وماتبقى من كرامتك.

راشد عبدالقادر
25 October, 2023

سيذهبون الى التفاوض وقد فقدوا ارواحا من اخوانهم ومواقعا كانت لهم وسمعة تلطخت وهيبة زالت واوراقا سقطت من أيديهم

سيذهبون الى التفاوض وقد فقدوا ارواحا من اخوانهم ومواقعا كانت لهم وسمعة تلطخت وهيبة زالت واوراقا سقطت من ايديهم سيعودوا الى نقطة بداية اسوأ من لحظة اشعال الحريق دمروا كل شيئ وطن الناس وحياتهم وارواح الامنين ودمروا فيما دمروا الكثير جدا من موقفهم التفاوضي منذ بداية الثورة رفضوا كل طريق للاصلاح بعنجهية ولؤم واشتروا كل طريق للخراب فحرضوا وتآمروا وقتلوا وانقلبوا فافضى بهم لؤمهم وخبثهم فى خاتمة المطاف الى بؤس وذل بلهاء حمقى معاتيه مجرمين #معركة_التفاهة #حرب_عبثية

راشد عبدالقادر